ऐ सबा निकहत-ए-गेसू-ए-मुअंबर लाना
कोई तोहफ़ा गुल-ओ-नसरीन से ख़ुश-तर लाना
शबनमिस्तान-ए-मोहब्बत की हसीं राहों से
ख़ुनकी-ए-शबनम-ओ-नूर-ए-मह-ओ-अख़्तर लाना
जाँ-ब-लब हैं तिरे मुश्ताक़ सर-ए-राह-ए-हयात
दम-ए-ईसा-व-मय-ए-लाल-ओ-गुल-ए-तर लाना
'इश्क़ हो मस्त-ओ-ग़ज़ल-ख़्वान-ओ-सुराही-बर-दोश
ज़िंदगी ताज़ा-ओ-सरशार-ओ-मुअत्तर लाना
दर-ख़ुर-ए-महफ़िल-ओ-शायान-ए-ख़राबात-ए-मुग़ाँ
आतिशीं मुतरिब-ओ-बेबाक नवा-गर लाना
तुझ को अंदोह-ए-असीरान-ए-क़फ़स की सौगंद
आरज़ूओं के हसीं फूल खिला कर लाना
कुश्तगान-ए-सितम-ए-दौर-ए-ख़िज़ाँ हैं हम लोग
अपने हमराह बहारों का पयम्बर लाना
इस नए दौर के शे'रों में तग़ज़्ज़ुल कम है
मेरी उफ़्ताद तबी'अत का सुख़नवर लाना
ai sabā nik.hat-e-gesū-e-muambar laanā
koī tohfa gul-o-nasrīn se ḳhush-tar laanā
shabnamistān-e-mohabbat kī hasīñ rāhoñ se
ḳhunkī-e-shabnam-o-nūr-e-mah-o-aḳhtar laanā
jāñ-ba-lab haiñ tire mushtāq sar-e-rāh-e-hayāt
dam-e-īsā-o-mai-e-lāl-o-gul-e-tar laanā
'ishq ho mast-o-ġhazal-ḳhvān-o-surāhī-bar-dosh
zindagī tāza-o-sarshār-o-muattar laanā
dar-ḳhur-e-mahfil-o-shāyan-e-ḳharābāt-e-muġhāñ
ātishīñ mutrib-o-be-bāk navā-gar laanā
tujh ko andoh-e-asīrān-e-qafas kī saugand
ārzūoñ ke hasīñ phuul khilā kar laanā
kushtagān-e-sitam-e-daur-e-ḳhizāñ haiñ ham log
apne hamrāh bahāroñ kā payambar laanā
is na.e daur ke she'roñ meñ taġhazzul kam hai
merī uftād tabī'at kā suḳhanvar laanā
اے صبا نکہت گیسوۓ معنبر لانا
کوئی تحفہ گل و نسرین سے خوشتر لانا
شبنمستان محبت کی حسیں راہوں سے
خنکیٔ شبنم و نور مہ و اختر لانا
جاں بہ لب ہیں ترے مشتاق سر راہ حیات
دم عیسی و مئے لعل و گل تر لانا
عشق ہو مست و غزلخوان و صراحی بر دوش
زندگی تازہ و سرشار و معطر لانا
در خور محفل و شایان خرابات مغاں
آتشیں مطرب و بیباک نواگر لانا
تجھ کو اندوہ اسیران قفس کی سوگند
آرزوؤں کے حسیں پھول کھلا کر لانا
کشتگان ستم دور خزاں ہیں ہم لوگ
اپنے ہم راہ بہاروں کا پیمبر لانا
اس نئے دور کے شعروں میں تغزل کم ہے
میری افتاد طبیعت کا سخنور لانا