बहुत दिनों में हम उन से जो हम-कलाम हुए
दिल-ओ-नज़र हमा-तन सज्दा-ओ-सलाम हुए
हनूज़ जैसे मसीहा की आमद आमद है
अगरचे उम्र हुई ज़िंदगी तमाम हुए
शफ़क़ सी ख़ेमा-ए-जानाँ की सम्त बाक़ी है
तमाम वादी-ओ-कोहसार ग़र्क़-ए-शाम हुए
कई गिले थे जो शोर-ए-जहाँ में डूब गए
कई सितम थे जो एहसान बन के आम हुए
किसी तरफ़ जिन्हें राह-ए-गुनाह मिल न सकी
कुछ ऐसे लोग भी दुनिया में नेक-नाम हुए
उफ़ुक़ के पार कहीं से लहू उछलता है
ज़मीं से दूर भी क्या क्या न क़त्ल-ए-आम हुए
चले थे उन से मुसीबत में हम गिला करने
कुछ और मोरिद-ए-तज़हीक-ए-ख़ास-ओ-आम हुए
रह-ए-तलब में नए रेगज़ार तक पहुँचे
वो तिश्ना-काम जो सहरा में तेज़ गाम हुए
bahut dinoñ meñ ham un se jo ham-kalām hue
dil-o-nazar hama-tan sajda-o-salām hue
hanūz jaise masīhā kī aamad aamad hai
agarche umr huī zindagī tamām hue
shafaq sī ḳhema-e-jānāñ kī samt baaqī hai
tamām vādī-o-kohsār ġharq-e-shām hue
ka.ī gile the jo shor-e-jahāñ meñ Duub ga.e
ka.ī sitam the jo ehsān ban ke aam hue
kisī taraf jinheñ rāh-e-gunāh mil na sakī
kuchh aise log bhī duniyā meñ nek-nām hue
ufuq ke paar kahīñ se lahū uchhaltā hai
zamīñ se duur bhī kyā kyā na qatl-e-ām hue
chale the un se musībat meñ ham gila karne
kuchh aur morid-e-taz.hīk-e-ḳhās-o-ām hue
rah-e-talab meñ na.e regzār tak pahuñche
vo tishna-kām jo sahrā meñ tez gaam hue
بہت دنوں میں ہم ان سے جو ہم کلام ہوئے
دل و نظر ہمہ تن سجدہ و سلام ہوئے
ہنوز جیسے مسیحا کی آمد آمد ہے
اگرچہ عمر ہوئی زندگی تمام ہوئے
شفق سی خیمۂ جاناں کی سمت باقی ہے
تمام وادی و کہسار غرق شام ہوئے
کئی گلے تھے جو شور جہاں میں ڈوب گئے
کئی ستم تھے جو احسان بن کے عام ہوئے
کسی طرف جنہیں راہ گناہ مل نہ سکی
کچھ ایسے لوگ بھی دنیا میں نیک نام ہوئے
افق کے پار کہیں سے لہو اچھلتا ہے
زمیں سے دور بھی کیا کیا نہ قتل عام ہوئے
چلے تھے ان سے مصیبت میں ہم گلہ کرنے
کچھ اور مورد تضحیک خاص و عام ہوئے
رہ طلب میں نئے ریگزار تک پہنچے
وہ تشنہ کام جو صحرا میں تیز گام ہوئے