ख़याल-ओ-ख़्वाब हुई हैं मोहब्बतें कैसी
लहू में नाच रही हैं ये वहशतें कैसी
न शब को चाँद ही अच्छा न दिन को मेहर अच्छा
ये हम पे बीत रही हैं क़यामतें कैसी
वो साथ था तो ख़ुदा भी था मेहरबाँ क्या क्या
बिछड़ गया तो हुई हैं अदावतें कैसी
अज़ाब जिन का तबस्सुम सवाब जिन की निगाह
खिंची हुई हैं पस-ए-जाँ ये सूरतें कैसी
हवा के दोष पे रक्खे हुए चराग़ हैं हम
जो बुझ गए तो हवा से शिकायतें कैसी
जो बे-ख़बर कोई गुज़रा तो ये सदा दे दी
मैं संग-ए-राह हूँ मुझ पर इनायतें कैसी
नहीं कि हुस्न ही नैरंगियों में ताक़ नहीं
जुनूँ भी खेल रहा है सियासतें कैसी
न साहबान-ए-जुनूँ हैं न अहल-ए-कश्फ़-ओ-कमाल
हमारे अहद में आईं कसाफ़तें कैसी
जो अब्र है वही अब संग-ओ-ख़िश्त लाता है
फ़ज़ा ये हो तो दिलों में नज़ाकतें कैसी
ये दौर-ए-बे-हुनराँ है बचा रखो ख़ुद को
यहाँ सदाक़तें कैसी करामातें कैसी
ḳhayāl-o-ḳhvāb huī haiñ mohabbateñ kaisī
lahū meñ naach rahī haiñ ye vahshateñ kaisī
na shab ko chāñd hī achchhā na din ko mehr achchhā
ye ham pe biit rahī haiñ qayāmateñ kaisī
vo saath thā to ḳhudā bhī thā mehrbāñ kyā kyā
bichhaḌ gayā to huī haiñ adāvateñ kaisī
azaab jin kā tabassum savāb jin kī nigāh
khiñchī huī haiñ pas-e-jāñ ye sūrateñ kaisī
havā ke dosh pe rakkhe hue charāġh haiñ ham
jo bujh ga.e to havā se shikāyateñ kaisī
jo be-ḳhabar koī guzrā to ye sadā de dī
maiñ sañg-e-rāh huuñ mujh par ināyateñ kaisī
nahīñ ki husn hī nairañgiyoñ meñ taaq nahīñ
junūñ bhī khel rahā hai siyāsateñ kaisī
na sāhbān-e-junūñ haiñ na ahl-e-kashf-o-kamāl
hamāre ahd meñ aa.iiñ kasāfateñ kaisī
jo abr hai vahī ab sañg-o-ḳhisht laatā hai
fazā ye ho to diloñ meñ nazākateñ kaisī
ye daur-e-be-hunarāñ hai bachā rakho ḳhud ko
yahāñ sadāqateñ kaisī karāmateñ kaisī
خیال و خواب ہوئی ہیں محبتیں کیسی
لہو میں ناچ رہی ہیں یہ وحشتیں کیسی
نہ شب کو چاند ہی اچھا نہ دن کو مہر اچھا
یہ ہم پہ بیت رہی ہیں قیامتیں کیسی
وہ ساتھ تھا تو خدا بھی تھا مہرباں کیا کیا
بچھڑ گیا تو ہوئی ہیں عداوتیں کیسی
عذاب جن کا تبسم ثواب جن کی نگاہ
کھنچی ہوئی ہیں پس جاں یہ صورتیں کیسی
ہوا کے دوش پہ رکھے ہوئے چراغ ہیں ہم
جو بجھ گئے تو ہوا سے شکایتیں کیسی
جو بے خبر کوئی گزرا تو یہ صدا دے دی
میں سنگ راہ ہوں مجھ پر عنایتیں کیسی
نہیں کہ حسن ہی نیرنگیوں میں طاق نہیں
جنوں بھی کھیل رہا ہے سیاستیں کیسی
نہ صاحبان جنوں ہیں نہ اہل کشف و کمال
ہمارے عہد میں آئیں کثافتیں کیسی
جو ابر ہے وہی اب سنگ و خشت لاتا ہے
فضا یہ ہو تو دلوں میں نزاکتیں کیسی
یہ دور بے ہنراں ہے بچا رکھو خود کو
یہاں صداقتیں کیسی کرامتیں کیسی