ख़याल-ओ-ख़्वाब हुआ बर्ग-ओ-बार का मौसम
बिछड़ गया तिरी सूरत बहार का मौसम
कई रुतों से मिरे नीम-वा दरीचों में
ठहर गया है तिरे इंतिज़ार का मौसम
वो नर्म लहजे में कुछ तो कहे कि लौट आए
समा'अतों की ज़मीं पर फुवार का मौसम
पयाम आया है फिर एक सर्व-क़ामत का
मिरे वुजूद को खींचे है दार का मौसम
वो आग है कि मिरी पोर पोर जलती है
मिरे बदन को मिला है चिनार का मौसम
रफ़ाक़तों के नए ख़्वाब ख़ुशनुमा हैं मगर
गुज़र चुका है तिरे ए'तिबार का मौसम
हवा चली तो नई बारिशें भी साथ आईं
ज़मीं के चेहरे पे आया निखार का मौसम
वो मेरा नाम लिए जाए और मैं उस का नाम
लहू में गूँज रहा है पुकार का मौसम
क़दम रखे मिरी ख़ुशबू कि घर को लौट आए
कोई बताए मुझे कू-ए-यार का मौसम
वो रोज़ आ के मुझे अपना प्यार पहनाए
मिरा ग़ुरूर है बेले के हार का मौसम
तिरे तरीक़-ए-मोहब्बत पे बारहा सोचा
ये जब्र था कि तिरे इख़्तियार का मौसम
ḳhayāl-o-ḳhvāb huā barg-o-bār kā mausam
bichhaḌ gayā tirī sūrat bahār kā mausam
ka.ī rutoñ se mire nīm-vā darīchoñ meñ
Thahar gayā hai tire intizār kā mausam
vo narm lahje meñ kuchh to kahe ki lauT aa.e
samā'atoñ kī zamīñ par phuvār kā mausam
payām aayā hai phir ek sarv-qāmat kā
mire vujūd ko khīñche hai daar kā mausam
vo aag hai ki mirī por por jaltī hai
mire badan ko milā hai chinār kā mausam
rafāqatoñ ke na.e ḳhvāb ḳhushnumā haiñ magar
guzar chukā hai tire e’tibār kā mausam
havā chalī to na.ī bārisheñ bhī saath aa.iiñ
zamīñ ke chehre pe aayā nikhār kā mausam
vo merā naam liye jaa.e aur maiñ us kā naam
lahū meñ guuñj rahā hai pukār kā mausam
qadam rakhe mirī ḳhushbū ki ghar ko lauT aa.e
koī batā.e mujhe kū-e-yār kā mausam
vo roz aa ke mujhe apnā pyaar pahnā.e
mirā ġhurūr hai bele ke haar kā mausam
tire tarīq-e-mohabbat pe bārhā sochā
ye jabr thā ki tire iḳhtiyār kā mausam
خیال و خواب ہوا برگ و بار کا موسم
بچھڑ گیا تری صورت بہار کا موسم
کئی رتوں سے مرے نیم وا دریچوں میں
ٹھہر گیا ہے ترے انتظار کا موسم
وہ نرم لہجے میں کچھ تو کہے کہ لوٹ آئے
سماعتوں کی زمیں پر پھوار کا موسم
پیام آیا ہے پھر ایک سرو قامت کا
مرے وجود کو کھینچے ہے دار کا موسم
وہ آگ ہے کہ مری پور پور جلتی ہے
مرے بدن کو ملا ہے چنار کا موسم
رفاقتوں کے نئے خواب خوش نما ہیں مگر
گزر چکا ہے ترے اعتبار کا موسم
ہوا چلی تو نئی بارشیں بھی ساتھ آئیں
زمیں کے چہرے پہ آیا نکھار کا موسم
وہ میرا نام لیے جائے اور میں اس کا نام
لہو میں گونج رہا ہے پکار کا موسم
قدم رکھے مری خوشبو کہ گھر کو لوٹ آئے
کوئی بتائے مجھے کوئے یار کا موسم
وہ روز آ کے مجھے اپنا پیار پہنائے
مرا غرور ہے بیلے کے ہار کا موسم
ترے طریق محبت پہ بارہا سوچا
یہ جبر تھا کہ ترے اختیار کا موسم