ख़याल-ए-अंजाम-ए-आरज़ू था कि एक झोंका था तेज़ लू का
झुलस गया वो हसीन पौदा जो नाज़-पर्वर्दा था नुमू का
हज़ारों इस मय-कदे में आ कर चले गए तिश्नगी बुझा कर
मगर मिरा नाज़-ए-तिश्ना-कामी तवाफ़ करता रहा सुबू का
हिकायत-ए-चश्म-ए-नाज़ तुझ से हदीस-ए-राज़-ओ-नियाज़ तुझ से
ये सोज़ तुझ से ये साज़ तुझ से कि तू मुहर्रिक है आरज़ू का
नज़र के जादू सुला दिए हैं दिलों के शो'ले बुझा दिए हैं
हिजाब हम ने उठा दिए हैं तिलिस्म तोड़ा है रंग-ओ-बू का
हसीन होंटों की थरथराहट से दहन-ए-शाइ'र में थरथरी है
सुरूर छाया हुआ है दिल पर किसी की ख़ामोश गुफ़्तुगू का
हक़ीक़त आएगी सामने जब तो फिर फ़साना कहाँ रहेगा
तुम्हारा अफ़्सूँ रहे सलामत तिलिस्म तोड़ो न रंग-ओ-बू का
तबीअत इक अंजुमन बनी है हयात 'एहसाँ' दुल्हन बनी है
तमाम दुनिया चमन बनी है ये फ़ैज़ है किस की आरज़ू का
ḳhayāl-e-anjām-e-ārzū thā ki ek jhoñkā thā tez lū kā
jhulas gayā vo hasīn paudā jo nāz-parvarda thā numū kā
hazāroñ is mai-kade meñ aa kar chale ga.e tishnagī bujhā kar
magar mirā nāz-e-tishna-kāmī tavāf kartā rahā subū kā
hikāyat-e-chashm-e-nāz tujh se hadīs-e-rāz-o-niyāz tujh se
ye soz tujh se ye saaz tujh se ki tū muharrik hai aarzū kā
nazar ke jaadū sulā diye haiñ diloñ ke sho.ale bujhā diye haiñ
hijāb ham ne uThā diye haiñ tilism toḌā hai rañg-o-bū kā
hasīn hoñToñ kī thartharāhaT se dahan-e-shā.ir meñ thartharī hai
surūr chhāyā huā hai dil par kisī kī ḳhāmosh guftugū kā
haqīqat aa.egī sāmne jab to phir fasāna kahāñ rahegā
tumhārā afsūñ rahe salāmat tilism toḌo na rañg-o-bū kā
tabī.at ik anjuman banī hai hayāt 'ehsā۔n' dulhan banī hai
tamām duniyā chaman banī hai ye faiz hai kis kī aarzū kā
خیال انجام آرزو تھا کہ ایک جھونکا تھا تیز لو کا
جھلس گیا وہ حسین پودا جو ناز پروردہ تھا نمو کا
ہزاروں اس میکدے میں آ کر چلے گئے تشنگی بجھا کر
مگر مرا ناز تشنہ کامی طواف کرتا رہا سبو کا
حکایت چشم ناز تجھ سے حدیث راز و نیاز تجھ سے
یہ سوز تجھ سے یہ ساز تجھ سے کہ تو محرک ہے آرزو کا
نظر کے جادو سلا دئے ہیں دلوں کے شعلے بجھا دئے ہیں
حجاب ہم نے اٹھا دئے ہیں طلسم توڑا ہے رنگ و بو کا
حسین ہونٹوں کی تھرتھراہٹ سے دہن شاعر میں تھرتھری ہے
سرور چھایا ہوا ہے دل پر کسی کی خاموش گفتگو کا
حقیقت آئے گی سامنے جب تو پھر فسانہ کہاں رہے گا
تمہارا افسوں رہے سلامت طلسم توڑو نہ رنگ و بو کا
طبیعت اک انجمن بنی ہے حیات احساںؔ دلہن بنی ہے
تمام دنیا چمن بنی ہے یہ فیض ہے کس کی آرزو کا