ख़त उन को भेजा है दिल के सुझाव पर हम ने
भरोसा कर लिया काग़ज़ की नाव पर हम ने
ये दिल का ज़ख़्म तो भरने में ही नहीं आता
रखा है प्यार का मरहम भी घाव पर हम ने
ये एक सच है कि तुम को भुला नहीं पाए
अमल किया था तुम्हारे सुझाव पर हम ने
सफ़ीना डूबना लाज़िम था अपनी हस्ती का
कि ख़्वाहिशों को भी लादा था नाव पर हम ने
फ़क़त हयात की तल्ख़ी नहीं है शे'रों में
लिखा है अपने भी ज़ेहनी तनाव पर हम ने
क़िमार-ख़ाना-ए-आलम से तजरबा जो मिला
लगा दिया है वो हासिल भी दाव पर हम ने
हयात दब गई आराइशों के मलबे में
गँवा दी उम्र इसी रख-रखाव पर हम ने
ḳhat un ko bhejā hai dil ke sujhāv par ham ne
bharosa kar liyā kāġhaz kī naav par ham ne
ye dil kā zaḳhm to bharne meñ hī nahīñ aatā
rakhā hai pyaar kā marham bhī ghaav par ham ne
ye ek sach hai ki tum ko bhulā nahīñ paa.e
amal kiyā thā tumhāre sujhāv par ham ne
safīna Dūbnā lāzim thā apnī hastī kā
ki ḳhvāhishoñ ko bhī laadā thā naav par ham ne
faqat hayāt kī talḳhī nahīñ hai sheroñ meñ
likhā hai apne bhī zehnī tanāv par ham ne
qimār-ḳhāna-e-ālam se tajraba jo milā
lagā diyā hai vo hāsil bhī daav par ham ne
hayāt dab ga.ī ārā.ishoñ ke malbe meñ
gañvā dī umr isī rakh-rakhāv par ham ne
خط ان کو بھیجا ہے دل کے سجھاو پر ہم نے
بھروسہ کر لیا کاغذ کی ناؤ پر ہم نے
یہ دل کا زخم تو بھرنے میں ہی نہیں آتا
رکھا ہے پیار کا مرہم بھی گھاؤ پر ہم نے
یہ ایک سچ ہے کہ تم کو بھلا نہیں پائے
عمل کیا تھا تمہارے سجھاو پر ہم نے
سفینہ ڈوبنا لازم تھا اپنی ہستی کا
کہ خواہشوں کو بھی لادا تھا ناؤ پر ہم نے
فقط حیات کی تلخی نہیں ہے شعروں میں
لکھا ہے اپنے بھی ذہنی تناؤ پر ہم نے
قمار خانۂ عالم سے تجربہ جو ملا
لگا دیا ہے وہ حاصل بھی داؤ پر ہم نے
حیات دب گئی آرائشوں کے ملبے میں
گنوا دی عمر اسی رکھ رکھاؤ پر ہم نے