ख़लिश-ए-ज़ख़्म-ए-तमन्ना का मुदावा भी न था
मैं ने वो चाहा जो तक़दीर में लिक्खा भी न था
इतना याद आएगा इक रोज़ ये सोचा भी न था
हाए वो शख़्स कि जिस से कोई रिश्ता भी न था
क्यों उसे देख के बढ़ती थी मिरी तिश्ना-लबी
अब्र-पारा भी न था वो कोई दरिया भी न था
दिल वो सहरा कि जहाँ उड़ती थी हालात की गर्द
ग़म वो बादल जो कभी खुल के बरसता भी न था
तू ने क्यों जागते रहने की सज़ा दी मुझ को
तेरे बारे में कोई ख़्वाब तो देखा भी न था
हो गए लोग ये क्यों मेरे लहू के प्यासे
मैं ने तो आँख उठा कर उसे देखा भी न था
कुछ झिझकती हुई नज़रें भी थीं महव-ए-गुल-गश्त
मैं चमन-ज़ार-ए-तसव्वुर में अकेला भी न था
बाज़ रातों में ये मंज़र भी नज़र से गुज़रा
शम्अ' भी जलती रही घर में उजाला भी न था
कभी बन जाएगी यूँ याद तिरी जुज़्व-ए-हयात
मैं ने इस रुख़ से तिरे बाब में सोचा भी न था
आसमाँ और ज़मीं हद्द-ए-नज़र तक थे मुहीत
हम कहाँ जाते निकल कर कोई रस्ता भी न था
कुछ उमीदें थीं उमंगें थीं तमन्नाएँ थीं
दिल तिरी राह में निकला तो अकेला भी न था
उम्र भर करते रहे घर की तमन्ना 'ताहिर'
और तक़दीर में दीवार का साया भी न था
ḳhalish-e-zaḳhm-e-tamannā kā mudāvā bhī na thā
maiñ ne vo chāhā jo taqdīr meñ likkhā bhī na thā
itnā yaad aa.egā ik roz ye sochā bhī na thā
haa.e vo shaḳhs ki jis se koī rishta bhī na thā
kyoñ use dekh ke baḌhtī thī mirī tishna-labī
abr-pāra bhī na thā vo koī dariyā bhī na thā
dil vo sahrā ki jahāñ uḌtī thī hālāt kī gard
ġham vo bādal jo kabhī khul ke barastā bhī na thā
tū ne kyoñ jāgte rahne kī sazā dī mujh ko
tere baare meñ koī ḳhvāb to dekhā bhī na thā
ho ga.e log ye kyoñ mere lahū ke pyāse
maiñ ne to aañkh uThā kar use dekhā bhī na thā
kuchh jhijaktī huī nazreñ bhī thiiñ mahv-e-gul-gasht
maiñ chaman-zār-e-tasavvur meñ akelā bhī na thā
ba.az rātoñ meñ ye manzar bhī nazar se guzrā
sham.a bhī jaltī rahī ghar meñ ujālā bhī na thā
kabhī ban jā.egī yuuñ yaad tirī juzv-e-hayāt
maiñ ne is ruḳh se tire baab meñ sochā bhī na thā
āsmāñ aur zamīñ hadd-e-nazar tak the muhīt
ham kahāñ jaate nikal kar koī rasta bhī na thā
kuchh umīdeñ thiiñ umañgeñ thiiñ tamannā.eñ thiiñ
dil tirī raah meñ niklā to akelā bhī na thā
umr bhar karte rahe ghar kī tamanna 'tāhir'
aur taqdīr meñ dīvār kā saaya bhī na thā
خلش زخم تمنا کا مداوا بھی نہ تھا
میں نے وہ چاہا جو تقدیر میں لکھا بھی نہ تھا
اتنا یاد آئے گا اک روز یہ سوچا بھی نہ تھا
ہائے وہ شخص کہ جس سے کوئی رشتہ بھی نہ تھا
کیوں اسے دیکھ کے بڑھتی تھی مری تشنہ لبی
ابر پارہ بھی نہ تھا وہ کوئی دریا بھی نہ تھا
دل وہ صحرا کہ جہاں اڑتی تھی حالات کی گرد
غم وہ بادل جو کبھی کھل کے برستا بھی نہ تھا
تو نے کیوں جاگتے رہنے کی سزا دی مجھ کو
تیرے بارے میں کوئی خواب تو دیکھا بھی نہ تھا
ہو گئے لوگ یہ کیوں میرے لہو کے پیاسے
میں نے تو آنکھ اٹھا کر اسے دیکھا بھی نہ تھا
کچھ جھجکتی ہوئی نظریں بھی تھیں محو گلگشت
میں چمن زار تصور میں اکیلا بھی نہ تھا
بعض راتوں میں یہ منظر بھی نظر سے گزرا
شمع بھی جلتی رہی گھر میں اجالا بھی نہ تھا
کبھی بن جائے گی یوں یاد تری جزو حیات
میں نے اس رخ سے ترے باب میں سوچا بھی نہ تھا
آسماں اور زمیں حد نظر تک تھے محیط
ہم کہاں جاتے نکل کر کوئی رستہ بھی نہ تھا
کچھ امیدیں تھیں امنگیں تھیں تمنائیں تھیں
دل تری راہ میں نکلا تو اکیلا بھی نہ تھا
عمر بھر کرتے رہے گھر کی تمنا طاہرؔ
اور تقدیر میں دیوار کا سایہ بھی نہ تھا