ख़लिश बख़्शी तपिश बख़्शी गुदाज़ अपना दिया मैं ने
मिज़ाज-ए-हुस्न को भी कर दिया ग़म-आश्ना मैं ने
ख़िरद ने चारासाज़ी की जुनूँ ने रहनुमाई की
बड़ी मुश्किल से पाया साया-ए-ज़ुल्फ़-ए-रसा मैं ने
ख़जिल हूँ मैं कि एहसास-ए-फ़राग़त छीन कर तुम से
ग़म-ए-आराइश-ए-काकुल तुम्हें क्यों दे दिया मैं ने
हवाएँ तुंद मौसम ना-मुवाफ़िक़ बाग़बाँ बरहम
अजब आलम में रक्खी है नशेमन की बिना मैं ने
इलाज-ए-दर्द-ए-दिल मुश्किल था लेकिन हो गया आसाँ
मोहब्बत को ख़ुदी का इक नया नुस्ख़ा दिया मैं ने
मैं कहता था कि अक़्ल-ओ-इश्क़ में रिश्ता नहीं मुमकिन
मगर अब सोचता हूँ ये गरेबाँ क्यों सिया मैं ने
ख़ुदा का शुक्र है 'एहसान' इस दौर-ए-तनफ़्फ़ुर में
फ़राहम कर लिए हैं चंद अरबाब-ए-वफ़ा मैं ने
ḳhalish baḳhshī tapish baḳhshī gudāz apnā diyā maiñ ne
mizāj-e-husn ko bhī kar diyā ġham-āshnā maiñ ne
ḳhirad ne chārasāzī kī junūñ ne rahnumā.ī kī
baḌī mushkil se paayā sāya-e-zulf-e-rasā maiñ ne
ḳhajil huuñ maiñ ki ehsās-e-farāġhat chhīn kar tum se
ġham-e-ārā.ish-e-kākul tumheñ kyoñ de diyā maiñ ne
havā.eñ tund mausam nā-muvāfiq bāġhbāñ barham
ajab aalam meñ rakkhī hai nasheman kī binā maiñ ne
ilāj-e-dard-e-dil mushkil thā lekin ho gayā āsāñ
mohabbat ko ḳhudī kā ik nayā nusḳha diyā maiñ ne
maiñ kahtā thā ki aql-o-ishq meñ rishta nahīñ mumkin
magar ab sochtā huuñ ye garebāñ kyoñ siyā maiñ ne
ḳhudā kā shukr hai 'ehsān' is daur-e-tanaffur meñ
farāham kar liye haiñ chand arbāb-e-vafā maiñ ne
خلش بخشی تپش بخشی گداز اپنا دیا میں نے
مزاج حسن کو بھی کر دیا غم آشنا میں نے
خرد نے چارہ سازی کی جنوں نے رہنمائی کی
بڑی مشکل سے پایا سایۂ زلف رسا میں نے
خجل ہوں میں کہ احساس فراغت چھین کر تم سے
غم آرائش کاکل تمہیں کیوں دے دیا میں نے
ہوائیں تند موسم نا موافق باغباں برہم
عجب عالم میں رکھی ہے نشیمن کی بنا میں نے
علاج درد دل مشکل تھا لیکن ہو گیا آساں
محبت کو خودی کا اک نیا نسخہ دیا میں نے
میں کہتا تھا کہ عقل و عشق میں رشتہ نہیں ممکن
مگر اب سوچتا ہوں یہ گریباں کیوں سیا میں نے
خدا کا شکر ہے احسانؔ اس دور تنفر میں
فراہم کر لئے ہیں چند ارباب وفا میں نے