ख़ाकसारी से यहाँ तक मर्तबा ऊँचा हुआ
दीदा-ए-गर्दूं की पुतली ख़ाक आग का पुतला हुआ
हूँ तिलिस्म-ए-रंग-ओ-बू के फेर में भूला हुआ
आदमी बंदा बशर है क्या करूँ धोका हुआ
इक पियाला था ख़राबात-ए-अज़ल का आसमाँ
वो भी अपनी गर्दिश-ए-क़िस्मत से है उल्टा हुआ
ये ख़मोशी है गुज़रगाह-ए-जहाँ में अल-अमाँ
कोई कुछ कहता नहीं आता हुआ जाता हुआ
'आलम-ए-नैरंग की रंगीनियाँ हैं दिल-फ़रेब
और भी वो रंग लाया रंग जो फीका हुआ
मौज-ए-रहमत हौज़-ए-कौसर के किनारे ले गई
मय-कशों का गुलशन-ए-फ़िरदौस में मेला हुआ
आतिश-ए-ख़ामोश के मानिंद था पहलू में दिल
उन के दामन की हवा लगते ही अंगारा हुआ
मस्त आँखें देख कर 'कैफ़ी' की मत जाती रही
कौन मयख़ाने में उस से बढ़ के मतवाला हुआ
ḳhāksārī se yahāñ tak martaba ūñchā huā
dīda-e-gardūñ kī putlī ḳhaak aag kā putlā huā
huuñ tilism-e-rang-o-bū ke pher meñ bhūlā huā
aadmī banda bashar hai kyā karūñ dhokā huā
ik piyāla thā ḳharābāt-e-azal kā āsmāñ
vo bhī apnī gardish-e-qismat se hai ulTā huā
ye ḳhamoshī hai guzargāh-e-jahāñ meñ al-amāñ
koī kuchh kahtā nahīñ aatā huā jaatā huā
'ālam-e-nairang kī rangīniyāñ haiñ dil-fareb
aur bhī vo rang laayā rang jo phīkā huā
mauj-e-rahmat hauz-e-kausar ke kināre le ga.ī
mai-kashoñ kā gulshan-e-firdaus meñ mela huā
ātish-e-ḳhāmosh ke mānind thā pahlū meñ dil
un ke dāman kī havā lagte hī angārā huā
mast āñkheñ dekh kar 'kaifī' kī mat jaatī rahī
kaun maiḳhāne meñ us se baḌh ke matvālā huā
خاکساری سے یہاں تک مرتبہ اونچا ہوا
دیدۂ گردوں کی پتلی خاک آگ کا پتلا ہوا
ہوں طلسم رنگ و بو کے پھیر میں بھولا ہوا
آدمی بندہ بشر ہے کیا کروں دھوکا ہوا
اک پیالہ تھا خرابات ازل کا آسماں
وہ بھی اپنی گردش قسمت سے ہے الٹا ہوا
یہ خموشی ہے گزر گاہ جہاں میں الاماں
کوئی کچھ کہتا نہیں آتا ہوا جاتا ہوا
عالم نیرنگ کی رنگینیاں ہیں دل فریب
اور بھی وہ رنگ لایا رنگ جو پھیکا ہوا
موج رحمت حوض کوثر کے کنارے لے گئی
میکشوں کا گلشن فردوس میں میلہ ہوا
آتش خاموش کے مانند تھا پہلو میں دل
ان کے دامن کی ہوا لگتے ہی انگارا ہوا
مست آنکھیں دیکھ کر کیفیؔ کی مت جاتی رہی
کون میخانے میں اس سے بڑھ کے متوالا ہوا