कौन 'आजिज़' सिला-ए-तिश्ना-दहानी माँगे
ये जहाँ आग उसे देता है जो पानी माँगे
दिल भी गर्दन भी हथेली पे लिए फिरता हूँ
जाने कब किस का लहू तेरी जवानी माँगे
तोड़िए मस्लहत-ए-वक़्त की दीवारों को
राह जिस वक़्त तबीअ'त की रवानी माँगे
माँगना जुर्म है फ़नकार से तरतीब-ए-ख़याल
गेसू-ए-वक़्त जब आशुफ़्ता-बयानी माँगे
साक़ी तू चाहे तो वो दौर भी आ सकता है
कि मिले जाम-ए-शराब उस को जो पानी माँगे
किस का सीना है जो ज़ख़्मों से नहीं है मा'मूर
क्या कोई तुझ से मोहब्बत की निशानी माँगे
दिल तो दे ही चुका अब है ये इरादा अपना
जान भी दे दूँ जो वो दुश्मन-ए-जानी माँगे
हैं मिरे शीशा-ए-सहबा-ए-सुख़न में दोनों
नई माँगे कोई मुझ से कि पुरानी माँगे
kaun 'ājiz' sila-e-tishna-e-dahānī māñge
ye jahāñ aag use detā hai jo paanī māñge
dil bhī gardan bhī hathelī pe liye phirtā huuñ
jaane kab kis kā lahū terī javānī māñge
toḌiye maslahat-e-vaqt kī dīvāroñ ko
raah jis vaqt tabī.at kī ravānī māñge
māñgnā jurm hai fankār se tartīb-e-ḳhayāl
gesū-e-vaqt jab āshufta-bayānī māñge
saaqī tū chāhe to vo daur bhī aa saktā hai
ki mile jām-e-sharāb us ko jo paanī māñge
kis kā siina hai jo zaḳhmoñ se nahīñ hai ma.amūr
kyā koī tujh se mohabbat kī nishānī māñge
dil to de hī chukā ab hai ye irāda apnā
jaan bhī de duuñ jo vo dushman-e-jānī māñge
haiñ mire shīsha-e-sahbā-e-suḳhan meñ donoñ
na.ī māñge koī mujh se ki purānī māñge
کون عاجزؔ صلۂ تشنہ دہانی مانگے
یہ جہاں آگ اسے دیتا ہے جو پانی مانگے
دل بھی گردن بھی ہتھیلی پہ لئے پھرتا ہوں
جانے کب کس کا لہو تیری جوانی مانگے
توڑیئے مصلحت وقت کی دیواروں کو
راہ جس وقت طبیعت کی روانی مانگے
مانگنا جرم ہے فن کار سے ترتیب خیال
گیسوئے وقت جب آشفتہ بیانی مانگے
ساقی تو چاہے تو وہ دور بھی آ سکتا ہے
کہ ملے جام شراب اس کو جو پانی مانگے
کس کا سینہ ہے جو زخموں سے نہیں ہے معمور
کیا کوئی تجھ سے محبت کی نشانی مانگے
دل تو دے ہی چکا اب ہے یہ ارادہ اپنا
جان بھی دے دوں جو وہ دشمن جانی مانگے
ہیں مرے شیشۂ صہبائے سخن میں دونوں
نئی مانگے کوئی مجھ سے کہ پرانی مانگے