करेंगे शिकवा-ए-जौर-ओ-जफ़ा दिल खोल कर अपना
कि ये मैदान-ए-महशर है न घर उन का न घर अपना
मकाँ देखा किए मुड़ मुड़ के ता-हद्द-ए-नज़र अपना
जो बस चलता तो ले आते क़फ़स में घर का घर अपना
बहे जब आँख से आँसू बढ़ा सोज़-ए-जिगर अपना
हमेशा मेंह बरसते में जला करता है घर अपना
पसीना अश्क हसरत बे-क़रारी आख़िरी हिचकी
इकट्ठा कर रहा हूँ आज सामान-ए-सफ़र अपना
ये शब का ख़्वाब या-रब फ़स्ल-ए-गुल में सच न हो जाए
क़फ़स के सामने जलते हुए देखा है घर अपना
दम-ए-आख़िर इलाज-ए-सोज़-ए-ग़म कहने की बातें हैं
मिरा रस्ता न रोकें रास्ता लें चारा-गर अपना
निशानात-ए-जबीं जोश-ए-अक़ीदत ख़ुद बता देंगे
न पूछो मुझ से सज्दे जा के देखो संग-ए-दर अपना
जवाब-ए-ख़त का उन के सामने कब होश रहता है
बताते हैं पता मेरे बजाए नामा-बर अपना
मुझे ऐ क़ब्र दुनिया चैन से रहने नहीं देती
चला आया हूँ इतनी बात पर घर छोड़ कर अपना
शिकन-आलूद बिस्तर हर शिकन पर ख़ून के धब्बे
ये हाल-ए-शाम-ए-ग़म लिक्खा है हम ने ता-सहर अपना
यही तीर-ए-नज़र तो हैं मिरे दिल में हसीनों के
जो पहचानो तो लो पहचान लो तीर-ए-नज़र अपना
'क़मर' उन को न आना था न आए सुब्ह होने तक
शब-ए-व'अदा सजाते ही रहे घर रात भर अपना
ज़मीं मुझ से मुनव्वर आसमाँ रौशन मिरे दम से
ख़ुदा के फ़ज़्ल से दोनों जगह क़ब्ज़ा 'क़मर' अपना
kareñge shikva-e-jaur-o-jafā dil khol kar apnā
ki ye maidān-e-mahshar hai na ghar un kā na ghar apnā
makāñ dekhā kiye muḌ muḌ ke tā-hadd-e-nazar apnā
jo bas chaltā to le aate qafas meñ ghar kā ghar apnā
bahe jab aañkh se aañsū baḌhā soz-e-jigar apnā
hamesha meñh baraste meñ jalā kartā hai ghar apnā
pasīna ashk hasrat be-qarārī āḳhirī hichkī
ikaTThā kar rahā huuñ aaj sāmān-e-safar apnā
ye shab kā ḳhvāb yā-rab fasl-e-gul meñ sach na ho jaa.e
qafas ke sāmne jalte hue dekhā hai ghar apnā
dam-e-āḳhir ilāj-e-soz-e-ġham kahne kī bāteñ haiñ
mirā rasta na rokeñ rāsta leñ chāra-gar apnā
nishānāt-e-jabīñ josh-e-aqīdat ḳhud batā deñge
na pūchho mujh se sajde jā ke dekho sañg-e-dar apnā
javāb-e-ḳhat kā un ke sāmne kab hosh rahtā hai
batāte haiñ patā mere bajā.e nāma-bar apnā
mujhe ai qabr duniyā chain se rahne nahīñ detī
chalā aayā huuñ itnī baat par ghar chhoḌ kar apnā
shikan-ālūd bistar har shikan par ḳhuun ke dhabbe
ye hāl-e-shām-e-ġham likkhā hai ham ne tā-sahar apnā
yahī tīr-e-nazar to haiñ mire dil meñ hasīnoñ ke
jo pahchāno to lo pahchān lo tīr-e-nazar apnā
'qamar' un ko na aanā thā na aa.e sub.h hone tak
shab-e-va.ada sajāte hī rahe ghar raat bhar apnā
zamīñ mujh se munavvar āsmāñ raushan mire dam se
ḳhudā ke fazl se donoñ jagah qabza 'qamar' apnā
کریں گے شکوۂ جور و جفا دل کھول کر اپنا
کہ یہ میدان محشر ہے نہ گھر ان کا نہ گھر اپنا
مکاں دیکھا کئے مڑ مڑ کے تا حد نظر اپنا
جو بس چلتا تو لے آتے قفس میں گھر کا گھر اپنا
بہے جب آنکھ سے آنسو بڑھا سوز جگر اپنا
ہمیشہ مینہ برستے میں جلا کرتا ہے گھر اپنا
پسینہ اشک حسرت بے قراری آخری ہچکی
اکٹھا کر رہا ہوں آج سامان سفر اپنا
یہ شب کا خواب یارب فصل گل میں سچ نہ ہو جائے
قفس کے سامنے جلتے ہوئے دیکھا ہے گھر اپنا
دم آخر علاج سوز غم کہنے کی باتیں ہیں
مرا رستہ نہ روکیں راستہ لیں چارہ گر اپنا
نشانات جبیں جوش عقیدت خود بتا دیں گے
نہ پوچھو مجھ سے سجدے جا کے دیکھو سنگ در اپنا
جواب خط کا ان کے سامنے کب ہوش رہتا ہے
بتاتے ہیں پتا میرے بجائے نامہ بر اپنا
مجھے اے قبر دنیا چین سے رہنے نہیں دیتی
چلا آیا ہوں اتنی بات پر گھر چھوڑ کر اپنا
شکن آلود بستر ہر شکن پر خون کے دھبے
یہ حال شام غم لکھا ہے ہم نے تا سحر اپنا
یہی تیر نظر تو ہیں مرے دل میں حسینوں کے
جو پہچانو تو لو پہچان لو تیر نظر اپنا
قمرؔ ان کو نہ آنا تھا نہ آئے صبح ہونے تک
شب وعدہ سجاتے ہی رہے گھر رات بھر اپنا
زمیں مجھ سے منور آسماں روشن مرے دم سے
خدا کے فضل سے دونوں جگہ قبضہ قمرؔ اپنا