कमी आने न पाए ऐ फ़लक कुछ जौर-ए-पैहम में
बहुत है ताक़त-ए-बर्दाश्त-ए-ग़म आज भी हम में
कमी आई है जब से तेरे मेरे रब्त-ए-बाहम में
भटक कर रह गई है ज़िंदगी तारीकी-ए-ग़म में
हुई हैं अंजुमन में जब भी उस काफ़िर से चार आँखें
कही है दास्तान-ए-ग़म ज़बान-ए-चश्म-ए-पुर-नम में
उठा ही चाहता है अब जनाज़ा आरज़ूओं का
बुझा ही चाहती है शाम-ए-हस्ती अब कोई दम में
यही ले दे के अब तो रह गया है अपना सरमाया
जो आँसू देखते हैं आप मेरी चश्म-ए-पुर-नम में
न वो मेरे न दिल मेरा न अदना सी ख़ुशी मेरी
ये मेरा हौसला है जी रहा हूँ ऐसे आलम में
अगर ऐ आसमाँ आह-ओ-फ़ुग़ाँ पे हम उतर आएँ
बदल जाएगी तेरी सारी दुनिया बज़्म-ए-मातम में
कहीं नाम-ओ-निशाँ तक मिल न पाएगा मसर्रत का
कहाँ तक साथ मेरे दे सकेंगे जादा-ए-ग़म में
हयात-ए-मुख़्तसर की क्या कहें रूदाद हम तुझ से
ख़ुलासा ये कि गुज़री है परेशानी के आलम में
kamī aane na paa.e ai falak kuchh jaur-e-paiham meñ
bahut hai tāqat-e-bardāsht-e-ġham aaj bhī ham meñ
kamī aa.ī hai jab se tere mere rabt-e-bāham meñ
bhaTak kar rah ga.ī hai zindagī tārīkī-e-ġham meñ
huī haiñ anjuman meñ jab bhī us kāfir se chaar āñkheñ
kahī hai dāstān-e-ġham zabān-e-chashm-e-pur-nam meñ
uThā hī chāhtā hai ab janāza ārzūoñ kā
bujhā hī chāhtī hai shām-e-hastī ab koī dam meñ
yahī le de ke ab to rah gayā hai apnā sarmāya
jo aañsū dekhte haiñ aap merī chashm-e-pur-nam meñ
na vo mere na dil merā na adnā sī ḳhushī merī
ye merā hausla hai jī rahā huuñ aise aalam meñ
agar ai āsmāñ āh-o-fuġhāñ pe ham utar aa.eñ
badal jā.egī terī saarī duniyā bazm-e-mātam meñ
kahīñ nām-o-nishāñ tak mil na pā.egā masarrat kā
kahāñ tak saath mere de sakeñge jāda-e-ġham meñ
hayāt-e-muḳhtasar kī kyā kaheñ rūdād ham tujh se
ḳhulāsa ye ki guzrī hai pareshānī ke aalam meñ
کمی آنے نہ پائے اے فلک کچھ جور پیہم میں
بہت ہے طاقت برداشت غم آج بھی ہم میں
کمی آئی ہے جب سے تیرے میرے ربط باہم میں
بھٹک کر رہ گئی ہے زندگی تاریکیٔ غم میں
ہوئی ہیں انجمن میں جب بھی اس کافر سے چار آنکھیں
کہی ہے داستان غم زبان چشم پر نم میں
اٹھا ہی چاہتا ہے اب جنازہ آرزوؤں کا
بجھا ہی چاہتی ہے شام ہستی اب کوئی دم میں
یہی لے دے کے اب تو رہ گیا ہے اپنا سرمایہ
جو آنسو دیکھتے ہیں آپ میری چشم پر نم میں
نہ وہ میرے نہ دل میرا نہ ادنیٰ سی خوشی میری
یہ میرا حوصلہ ہے جی رہا ہوں ایسے عالم میں
اگر اے آسماں آہ و فغاں پہ ہم اتر آئیں
بدل جائے گی تیری ساری دنیا بزم ماتم میں
کہیں نام و نشاں تک مل نہ پائے گا مسرت کا
کہاں تک ساتھ میرے دے سکیں گے جادۂ غم میں
حیات مختصر کی کیا کہیں روداد ہم تجھ سے
خلاصہ یہ کہ گزری ہے پریشانی کے عالم میں