कल रात कुछ अजीब समाँ ग़म-कदे में था
मैं जिस को ढूँढता था मिरे आइने में था
जिस की निगाह में थीं सितारों की मंज़िलें
वो मीर-ए-काएनात उसी क़ाफ़िले में था
रहगीर सुन रहे थे ये किस जश्न-ए-नौ का शोर
कल रात मेरा ज़िक्र ये किस सिलसिले में था
रक़्साँ थे रिंद जैसे भँवर में शफ़क़ के फूल
जो पाँव पड़ रहा था बड़े क़ाएदे में था
छिड़का जिसे 'अदम के समुंदर पे आप ने
सहरा तमाम ख़ाक के उस बुलबुले में था
मन्नत-गुज़ार-ए-अहल-ए-हवस हो सका न दिल
हाइल मिरा ज़मीर मिरे रास्ते में था
है फ़र्ज़ इस अता-ए-जुनूँ का भी शुक्रिया
लेकिन ये बे-शुमार करम किस सिले में था
अब आ के कह रहे हो कि रुस्वाई से डरो
ये बाल तो कभी का मिरे आईने में था
सुनता हूँ सर-निगूँ थे फ़रिश्ते मिरे हुज़ूर
मैं जाने अपनी ज़ात के किस मरहले में था
हैं सब्त मेरे दिल पे ज़माने की ठोकरें
मैं एक संग-ए-राह था जिस रास्ते में था
कुछ भी न था अज़ल में ब-जुज़ शो'ला-ए-वजूद
हाँ दूर तक 'अदम का धुआँ हाशिए में था
मैं ने जो अपना नाम पुकारा तो हँस पड़ा
ये मुझ सा कौन शख़्स मिरे रास्ते में था
थी नुक़्ता-ए-निगाह तक आज़ादी-ए-अमल
परकार की तरह मैं रवाँ दाएरे में था
ज़ंजीर की सदा थी न मौज-ए-शमीम-ए-ज़ुल्फ़
ये क्या तिलिस्म उन के मिरे फ़ासले में था
अब रूह ए'तिराफ़-ए-बदन से है मुन्हरिफ़
इक ये भी संग-ए-मील मिरे रास्ते में था
'दानिश' कई नशेब-ए-नज़र से गुज़र गए
हर रिंद आइने की तरह मय-कदे में था
kal raat kuchh ajiib samāñ ġham-kade meñ thā
maiñ jis ko DhūñDhtā thā mire aa.ine meñ thā
jis kī nigāh meñ thiiñ sitāroñ kī manzileñ
vo mīr-e-kā.enāt usī qāfile meñ thā
rahgīr sun rahe the ye kis jashn-e-nau kā shor
kal raat merā zikr ye kis silsile meñ thā
raqsāñ the riñd jaise bhañvar meñ shafaq ke phuul
jo paañv paḌ rahā thā baḌe qā.ede meñ thā
chhiḌkā jise 'adam ke samundar pe aap ne
sahrā tamām ḳhaak ke us bulbule meñ thā
mannat-guzār-e-ahl-e-havas ho sakā na dil
haa.il mirā zamīr mire rāste meñ thā
hai farz is atā-e-junūñ kā bhī shukriya
lekin ye be-shumār karam kis sile meñ thā
ab aa ke kah rahe ho ki rusvā.ī se Daro
ye baal to kabhī kā mire aa.ine meñ thā
suntā huuñ sar-nigūñ the farishte mire huzūr
maiñ jaane apnī zaat ke kis marhale meñ thā
haiñ sabt mere dil pe zamāne kī Thokareñ
maiñ ek sang-e-rāh thā jis rāste meñ thā
kuchh bhī na thā azal meñ ba-juz sho.ala-e-vajūd
haañ duur tak 'adam kā dhuāñ hāshiye meñ thā
maiñ ne jo apnā naam pukārā to hañs paḌā
ye mujh sā kaun shaḳhs mire rāste meñ thā
thī nuqta-e-nigāh tak āzādī-e-amal
parkār kī tarah maiñ ravāñ dā.ere meñ thā
zanjīr kī sadā thī na mauj-e-shamīm-e-zulf
ye kyā tilism un ke mire fāsle meñ thā
ab ruuh e'tirāf-e-badan se hai munharif
ik ye bhī sañg-e-mīl mire rāste meñ thā
'dānish' ka.ī nasheb-e-nazar se guzar ga.e
har riñd aa.ine kī tarah mai-kade meñ thā
کل رات کچھ عجیب سماں غم کدے میں تھا
میں جس کو ڈھونڈھتا تھا مرے آئنے میں تھا
جس کی نگاہ میں تھیں ستاروں کی منزلیں
وہ میر کائنات اسی قافلے میں تھا
رہ گیر سن رہے تھے یہ کس جشن نو کا شور
کل رات میرا ذکر یہ کس سلسلے میں تھا
رقصاں تھے رند جیسے بھنور میں شفق کے پھول
جو پاؤں پڑ رہا تھا بڑے قاعدے میں تھا
چھڑکا جسے عدم کے سمندر پہ آپ نے
صحرا تمام خاک کے اس بلبلے میں تھا
منت گزار اہل ہوس ہو سکا نہ دل
حائل مرا ضمیر مرے راستے میں تھا
ہے فرض اس عطائے جنوں کا بھی شکریہ
لیکن یہ بے شمار کرم کس صلے میں تھا
اب آ کے کہہ رہے ہو کہ رسوائی سے ڈرو
یہ بال تو کبھی کا مرے آئینے میں تھا
سنتا ہوں سرنگوں تھے فرشتے مرے حضور
میں جانے اپنی ذات کے کس مرحلے میں تھا
ہیں ثبت میرے دل پہ زمانے کی ٹھوکریں
میں ایک سنگ راہ تھا جس راستے میں تھا
کچھ بھی نہ تھا ازل میں بجز شعلۂ وجود
ہاں دور تک عدم کا دھواں حاشیے میں تھا
میں نے جو اپنا نام پکارا تو ہنس پڑا
یہ مجھ سا کون شخص مرے راستے میں تھا
تھی نقطۂ نگاہ تک آزادئ عمل
پرکار کی طرح میں رواں دائرے میں تھا
زنجیر کی صدا تھی نہ موج شمیم زلف
یہ کیا طلسم ان کے مرے فاصلے میں تھا
اب روح اعتراف بدن سے ہے منحرف
اک یہ بھی سنگ میل مرے راستے میں تھا
دانشؔ کئی نشیب نظر سے گزر گئے
ہر رند آئنے کی طرح میکدے میں تھا