कहीं पैदा कोई मजनूँ कहीं फ़रहाद करते हैं
वफ़ा के नाम पर ताज़ा सितम ईजाद करते हैं
किसी के दिल में बसने के लिए फ़रियाद करते हैं
मगर अहल-ए-जहाँ ज़ालिम हमें बर्बाद करते हैं
कई ऐसे अधूरे काम हैं इस के 'अलावा भी
ये ख़ुश-फ़हमी न रखना हम तुम्हें ही याद करते हैं
यक़ीं मानो किसी से मशवरा करते नहीं हैं हम
मुरीद-ए-‘इश्क़ हैं और 'इश्क़ को उस्ताद करते हैं
तिरे आने से क्या मस्ती चढ़ी बस्ती के लोगों पर
परिंदों को रिहा पर चूम कर सय्याद करते हैं
'अता' हम को ज़माने से अलग करने की ख़्वाहिश है
वो हम करते नहीं जो दूसरे अफ़राद करते हैं
kahīñ paidā koī majnūñ kahīñ farhād karte haiñ
vafā ke naam par taaza sitam ījād karte haiñ
kisī ke dil meñ basne ke liye fariyād karte haiñ
magar ahl-e-jahāñ zālim hameñ barbād karte haiñ
ka.ī aise adhūre kaam haiñ is ke 'alāva bhī
ye ḳhush-fahmī na rakhnā ham tumheñ hī yaad karte haiñ
yaqīñ maano kisī se mashvara karte nahīñ haiñ ham
murīd-e-‘ishq haiñ aur 'ishq ko ustād karte haiñ
tire aane se kyā mastī chaḌhī bastī ke logoñ par
parindoñ ko rihā par chuum kar sayyād karte haiñ
'atā' ham ko zamāne se alag karne kī ḳhvāhish hai
vo ham karte nahīñ jo dūsre afrād karte haiñ
کہیں پیدا کوئی مجنوں کہیں فرہاد کرتے ہیں
وفا کے نام پر تازہ ستم ایجاد کرتے ہیں
کسی کے دل میں بسنے کے لئے فریاد کرتے ہیں
مگر اہل جہاں ظالم ہمیں برباد کرتے ہیں
کئی ایسے ادھورے کام ہیں اس کے علاوہ بھی
یہ خوش فہمی نہ رکھنا ہم تمہیں ہی یاد کرتے ہیں
یقیں مانو کسی سے مشورہ کرتے نہیں ہیں ہم
مرید عشق ہیں اور عشق کو استاد کرتے ہیں
ترے آنے سے کیا مستی چڑھی بستی کے لوگوں پر
پرندوں کو رہا پر چوم کر صیاد کرتے ہیں
عطاؔ ہم کو زمانے سے الگ کرنے کی خواہش ہے
وہ ہم کرتے نہیں جو دوسرے افراد کرتے ہیں