कहीं आह बन के लब पर तिरा नाम आ न जाए
तुझे बेवफ़ा कहूँ मैं वो मक़ाम आ न जाए
ज़रा ज़ुल्फ़ को सँभालो मिरा दिल धड़क रहा है
कोई और ताइर-ए-दिल तह-ए-दाम आ न जाए
जिसे सुन के टूट जाए मिरा आरज़ू भरा दिल
तिरी अंजुमन से मुझ को वो पयाम आ न जाए
वो जो मंज़िलों पे ला कर किसी हम-सफ़र को लूटें
उन्हीं रहज़नों में तेरा कहीं नाम आ न जाए
इसी फ़िक्र में हैं ग़लताँ ये निज़ाम-ए-ज़र के बंदे
जो तमाम-ए-ज़िंदगी है वो निज़ाम आ न जाए
ये मह ओ नुजूम हँस लें मिरे आँसुओं पे 'जालिब'
मिरा माहताब जब तक लब-ए-बाम आ न जाए
kahīñ aah ban ke lab par tirā naam aa na jaa.e
tujhe bevafā kahūñ maiñ vo maqām aa na jaa.e
zarā zulf ko sambhālo mirā dil dhaḌak rahā hai
koī aur tā.ir-e-dil tah-e-dām aa na jaa.e
jise sun ke TuuT jaa.e mirā aarzū bharā dil
tirī anjuman se mujh ko vo payām aa na jaa.e
vo jo manziloñ pe lā kar kisī ham-safar ko lūTeñ
unhīñ rahzanoñ meñ terā kahīñ naam aa na jaa.e
isī fikr meñ haiñ ġhaltāñ ye nizām-e-zar ke bande
jo tamām-e-zindagī hai vo nizām aa na jaa.e
ye mah o nujūm hañs leñ mire āñsuoñ pe 'jālib'
mirā māhtāb jab tak lab-e-bām aa na jaa.e
کہیں آہ بن کے لب پر ترا نام آ نہ جائے
تجھے بے وفا کہوں میں وہ مقام آ نہ جائے
ذرا زلف کو سنبھالو مرا دل دھڑک رہا ہے
کوئی اور طائر دل تہہ دام آ نہ جائے
جسے سن کے ٹوٹ جائے مرا آرزو بھرا دل
تری انجمن سے مجھ کو وہ پیام آ نہ جائے
وہ جو منزلوں پہ لا کر کسی ہم سفر کو لوٹیں
انہیں رہزنوں میں تیرا کہیں نام آ نہ جائے
اسی فکر میں ہیں غلطاں یہ نظام زر کے بندے
جو تمام زندگی ہے وہ نظام آ نہ جائے
یہ مہ و نجوم ہنس لیں مرے آنسوؤں پہ جالبؔ
مرا ماہتاب جب تک لب بام آ نہ جائے