कहाँ नसीब वो कैफ़िय्यत-ए-दवाम अभी
कि मय-कशी है ब-क़ैद-ए-सुबू-ओ-जाम अभी
हवास-ओ-होश को कहिए मिरा सलाम अभी
जुनूँ को अक़्ल से लेना है इंतिक़ाम अभी
न जा सकेगी वहाँ तक निगाह-ए-आम अभी
मिरा मज़ाक़ बहुत है बुलंद-बाम अभी
कुछ और लीजिए दार-ओ-रसन से काम अभी
जुनूँ का जोश है फैला हुआ तमाम अभी
ख़ुशी कहाँ कि ख़ुशी का नहीं मक़ाम अभी
न मेरी सुब्ह अभी है न मेरी शाम अभी
उसी तरह से है बे-रब्ती-ए-कलाम अभी
फ़ुग़ाँ भी आई है लब पर तो ना-तमाम अभी
है अहल-ए-होश का कुछ और ही पयाम अभी
मगर मुझे तो है दीवाना-पन से काम अभी
जहाँ में आने को आए तो इंक़लाब बहुत
बदल सकी न सहर से हमारी शाम अभी
उसी को हासिल-ए-उम्र-ए-वफ़ा बनाना है
जो इक ख़लिश सी है दिल में बराए नाम अभी
यहाँ तो दिन को भी तारीकियाँ बरसती हैं
हमारी सुब्ह से अच्छी है उन की शाम अभी
kahāñ nasīb vo kaifiyyat-e-davām abhī
ki mai-kashī hai ba-qaid-e-subū-o-jām abhī
havās-o-hosh ko kahiye mirā salām abhī
junūñ ko aql se lenā hai intiqām abhī
na jā sakegī vahāñ tak nigāh-e-ām abhī
mirā mazāq bahut hai buland-bām abhī
kuchh aur lījiye dār-o-rasan se kaam abhī
junūñ kā josh hai phailā huā tamām abhī
ḳhushī kahāñ ki ḳhushī kā nahīñ maqām abhī
na merī sub.h abhī hai na merī shaam abhī
usī tarah se hai be-rabtī-e-kalām abhī
fuġhāñ bhī aa.ī hai lab par to nā-tamām abhī
hai ahl-e-hosh kā kuchh aur hī payām abhī
magar mujhe to hai dīvāna-pan se kaam abhī
jahāñ meñ aane ko aa.e to inqalāb bahut
badal sakī na sahar se hamārī shaam abhī
usī ko hāsil-e-umr-e-vafā banānā hai
jo ik ḳhalish sī hai dil meñ barā.e naam abhī
yahāñ to din ko bhī tārīkiyāñ barastī haiñ
hamārī sub.h se achchhī hai un kī shaam abhī
کہاں نصیب وہ کیفیت دوام ابھی
کہ مے کشی ہے بہ قید سبو و جام ابھی
حواس و ہوش کو کہئے مرا سلام ابھی
جنوں کو عقل سے لینا ہے انتقام ابھی
نہ جا سکے گی وہاں تک نگاہ عام ابھی
مرا مذاق بہت ہے بلند بام ابھی
کچھ اور لیجئے دار و رسن سے کام ابھی
جنوں کا جوش ہے پھیلا ہوا تمام ابھی
خوشی کہاں کہ خوشی کا نہیں مقام ابھی
نہ میری صبح ابھی ہے نہ میری شام ابھی
اسی طرح سے ہے بے ربطیٔ کلام ابھی
فغاں بھی آئی ہے لب پر تو ناتمام ابھی
ہے اہل ہوش کا کچھ اور ہی پیام ابھی
مگر مجھے تو ہے دیوانہ پن سے کام ابھی
جہاں میں آنے کو آئے تو انقلاب بہت
بدل سکی نہ سحر سے ہماری شام ابھی
اسی کو حاصل عمر وفا بنانا ہے
جو اک خلش سی ہے دل میں برائے نام ابھی
یہاں تو دن کو بھی تاریکیاں برستی ہیں
ہماری صبح سے اچھی ہے ان کی شام ابھی