कहाँ महफ़िल में मुझ तक बादा-ए-गुलफ़ाम आता है
जो मेरा नाम आता है तो ख़ाली जाम आता है
न आओ तुम तो फिर क्यूँ हिचकियों पर हिचकियाँ आएँ
इन्हें रोको ये क्यूँ पैग़ाम पर पैग़ाम आता है
ये सावन ये घटा ये बिजलियाँ ये टूटती रातें
भला ऐसे में दिल वालों को कब आराम आता है
अदब ऐ जज़्बा-ए-बेबाक ये आह-ओ-फ़ुग़ाँ कैसी
कि ऐसी ज़िंदगी से मौत पर इल्ज़ाम आता है
मदद ऐ मर्ग-ए-नाकामी नक़ाहत का ये आलम है
बड़ी मुश्किल से होंटों तक किसी का नाम आता है
ख़ुदा रक्खे तुझे ऐ सर-ज़मीन-ए-शहर-ए-ख़ामोशाँ
यहीं आ कर हर इक बेचैन को आराम आता है
मआ'ज़-अल्लाह मिरी आँखों का इज़हार-ए-तंग-ज़र्फ़ी
टपक पड़ते हैं आँसू जब तुम्हारा नाम आता है
ज़माने में नहीं दिल-दादा-ए-मेहर-ओ-वफ़ा कोई
तुझे धोका है ऐ दिल कौन किस के काम आता है
kahāñ mahfil meñ mujh tak bāda-e-gulfām aatā hai
jo merā naam aatā hai to ḳhālī jaam aatā hai
na aao tum to phir kyuuñ hichkiyoñ par hichkiyāñ aa.eñ
inheñ roko ye kyuuñ paiġhām par paiġhām aatā hai
ye sāvan ye ghaTā ye bijliyāñ ye TūTtī rāteñ
bhalā aise meñ dil vāloñ ko kab ārām aatā hai
adab ai jazba-e-bebāk ye āh-o-fuġhāñ kaisī
ki aisī zindagī se maut par ilzām aatā hai
madad ai marg-e-nākāmī naqāhat kā ye aalam hai
baḌī mushkil se hoñToñ tak kisī kā naam aatā hai
ḳhudā rakkhe tujhe ai sar-zamīn-e-shahr-e-ḳhāmoshāñ
yahīñ aa kar har ik bechain ko ārām aatā hai
ma.āz-allāh mirī āñkhoñ kā izhār-e-tañg-zarfī
Tapak paḌte haiñ aañsū jab tumhārā naam aatā hai
zamāne meñ nahīñ dil-dāda-e-mehr-o-vafā koī
tujhe dhokā hai ai dil kaun kis ke kaam aatā hai
کہاں محفل میں مجھ تک بادۂ گلفام آتا ہے
جو میرا نام آتا ہے تو خالی جام آتا ہے
نہ آؤ تم تو پھر کیوں ہچکیوں پر ہچکیاں آئیں
انہیں روکو یہ کیوں پیغام پر پیغام آتا ہے
یہ ساون یہ گھٹا یہ بجلیاں یہ ٹوٹتی راتیں
بھلا ایسے میں دل والوں کو کب آرام آتا ہے
ادب اے جذبۂ بیباک یہ آہ و فغاں کیسی
کہ ایسی زندگی سے موت پر الزام آتا ہے
مدد اے مرگ ناکامی نقاہت کا یہ عالم ہے
بڑی مشکل سے ہونٹوں تک کسی کا نام آتا ہے
خدا رکھے تجھے اے سر زمین شہر خاموشاں
یہیں آ کر ہر اک بے چین کو آرام آتا ہے
معاذ اللہ مری آنکھوں کا اظہار تنگ ظرفی
ٹپک پڑتے ہیں آنسو جب تمہارا نام آتا ہے
زمانے میں نہیں دلدادۂ مہر و وفا کوئی
تجھے دھوکا ہے اے دل کون کس کے کام آتا ہے