कभी तो मेहरबाँ हो कर बुला लें
ये महवश हम फ़क़ीरों की दुआ लें
न जाने फिर ये रुत आए न आए
जवाँ फूलों की कुछ ख़ुश्बू चुरा लें
बहुत रोए ज़माने के लिए हम
ज़रा अपने लिए आँसू बहा लें
हम उन को भूलने वाले नहीं हैं
समझते हैं ग़म-ए-दौराँ की चालें
हमारी भी सँभल जाएगी हालत
वो पहले अपनी ज़ुल्फ़ें तो सँभालें
निकलने को है वो महताब घर से
सितारों से कहो नज़रें झुका लें
हम अपने रास्ते पर चल रहे हैं
जनाब-ए-शैख़ अपना रास्ता लें
ज़माना तो यूँही रूठा रहेगा
चलो 'जालिब' उन्हें चल कर मना लें
kabhī to mehrbāñ ho kar bulā leñ
ye mahvash ham faqīroñ kī duā leñ
na jaane phir ye rut aa.e na aa.e
javāñ phūloñ kī kuchh ḳhushbū churā leñ
bahut ro.e zamāne ke liye ham
zarā apne liye aañsū bahā leñ
ham un ko bhūlne vaale nahīñ haiñ
samajhte haiñ ġham-e-daurāñ kī chāleñ
hamārī bhī sambhal jā.egī hālat
vo pahle apnī zulfeñ to sambhāleñ
nikalne ko hai vo mahtāb ghar se
sitāroñ se kaho nazreñ jhukā leñ
ham apne rāste par chal rahe haiñ
janāb-e-shaiḳh apnā rāsta leñ
zamāna to yūñhī rūThā rahegā
chalo 'jālib' unheñ chal kar manā leñ
کبھی تو مہرباں ہو کر بلا لیں
یہ مہوش ہم فقیروں کی دعا لیں
نہ جانے پھر یہ رت آئے نہ آئے
جواں پھولوں کی کچھ خوشبو چرا لیں
بہت روئے زمانے کے لیے ہم
ذرا اپنے لیے آنسو بہا لیں
ہم ان کو بھولنے والے نہیں ہیں
سمجھتے ہیں غم دوراں کی چالیں
ہماری بھی سنبھل جائے گی حالت
وہ پہلے اپنی زلفیں تو سنبھالیں
نکلنے کو ہے وہ مہتاب گھر سے
ستاروں سے کہو نظریں جھکا لیں
ہم اپنے راستے پر چل رہے ہیں
جناب شیخ اپنا راستہ لیں
زمانہ تو یوں ہی روٹھا رہے گا
چلو جالبؔ انہیں چل کر منا لیں