कभी कभी जो वो ग़ुर्बत-कदे में आए हैं
मिरे बहे हुए आँसू जबीं पे लाए हैं
न सरगुज़िश्त-ए-सफ़र पूछ मुख़्तसर ये है
कि अपने नक़्श-ए-क़दम हम ने ख़ुद मिटाए हैं
नज़र न तोड़ सकी आँसुओं की चिलमन को
वो रोज़ अगरचे मिरे आइने में आए हैं
उस एक शम' से उतरे हैं बाम-ओ-दर के लिबास
उस एक लौ ने बड़े फूल-बन जलाए हैं
ये दोपहर ये ज़मीं पर लिपा हुआ सूरज
कहीं दरख़्त न दीवार-ओ-दर के साए हैं
कली कली में है धरती के दूध की ख़ुशबू
तमाम फूल उसी एक माँ के जाए हैं
नज़र ख़लाओं पे और इंतिज़ार बे-वा'दा
ब-ईं 'अमल भी वो आँखों में झिलमिलाए हैं
फ़ुसून-ए-शेर से हम उस मह-ए-गुरेज़ाँ को
ख़लाओं से सर-ए-काग़ज़ उतार लाए हैं
रिसाला हाथ से रखते न क्यूँ वो शर्मा कर
ग़ज़ल पढ़ी है तो हम सामने भी आए हैं
चले हैं ख़ैर से उन को पुकारने 'दानिश'
मगर वो यूँ तो न आएँगे और न आए हैं
kabhī kabhī jo vo ġhurbat-kade meñ aa.e haiñ
mire bahe hue aañsū jabīñ pe laa.e haiñ
na sarguzisht-e-safar pūchh muḳhtasar ye hai
ki apne naqsh-e-qadam ham ne ḳhud miTā.e haiñ
nazar na toḌ sakī āñsuoñ kī chilman ko
vo roz agarche mire aa.ine meñ aa.e haiñ
us ek sham' se utre haiñ bām-o-dar ke libās
us ek lau ne baḌe phūl-ban jalā.e haiñ
ye dopahar ye zamīñ par lipā huā sūraj
kahīñ daraḳht na dīvār-o-dar ke saa.e haiñ
kalī kalī meñ hai dhartī ke duudh kī ḳhushbū
tamām phuul usī ek maañ ke jaa.e haiñ
nazar ḳhalāoñ pe aur intizār be-va.ada
ba-īñ 'amal bhī vo āñkhoñ meñ jhilmilā.e haiñ
fusūn-e-sher se ham us mah-e-gurezāñ ko
ḳhalāoñ se sar-e-kāġhaz utaar laa.e haiñ
risāla haath se rakhte na kyuuñ vo sharmā kar
ġhazal paḌhī hai to ham sāmne bhī aa.e haiñ
chale haiñ ḳhair se un ko pukārne 'dānish'
magar vo yuuñ to na ā.eñge aur na aa.e haiñ
کبھی کبھی جو وہ غربت کدے میں آئے ہیں
مرے بہے ہوئے آنسو جبیں پہ لائے ہیں
نہ سرگزشت سفر پوچھ مختصر یہ ہے
کہ اپنے نقش قدم ہم نے خود مٹائے ہیں
نظر نہ توڑ سکی آنسوؤں کی چلمن کو
وہ روز اگرچہ مرے آئنے میں آئے ہیں
اس ایک شمع سے اترے ہیں بام و در کے لباس
اس ایک لو نے بڑے پھول بن جلائے ہیں
یہ دوپہر یہ زمیں پر لپا ہوا سورج
کہیں درخت نہ دیوار و در کے سائے ہیں
کلی کلی میں ہے دھرتی کے دودھ کی خوشبو
تمام پھول اسی ایک ماں کے جائے ہیں
نظر خلاؤں پہ اور انتظار بے وعدہ
بہ ایں عمل بھی وہ آنکھوں میں جھلملائے ہیں
فسون شعر سے ہم اس مہ گریزاں کو
خلاؤں سے سر کاغذ اتار لائے ہیں
رسالہ ہاتھ سے رکھتے نہ کیوں وہ شرما کر
غزل پڑھی ہے تو ہم سامنے بھی آئے ہیں
چلے ہیں خیر سے ان کو پکارنے دانشؔ
مگر وہ یوں تو نہ آئیں گے اور نہ آئے ہیں