जुनूँ बग़ैर कभी आगही नहीं होती
जले न शम्अ तो कुछ रौशनी नहीं होती
वो सज्दा सज्दा नहीं जिस में होश बाक़ी हो
ब-क़ैद-ए-होश जो हो बंदगी नहीं होती
क़बा-ए-हुस्न की ताबिश अगर हो आँखों में
बशर के दिल में कभी तीरगी नहीं होती
क़दम क़दम पे जो खाए फ़रेब हस्ती का
उस आदमी की कोई ज़िंदगी नहीं होती
रुमूज़-ए-ज़ीस्त से वाक़िफ़ हुआ है जो इंसाँ
बका-ए-ज़ीस्त की उस को ख़ुशी नहीं होती
बशर के वास्ते लाज़िम है जज़्बा-ए-उल्फ़त
चमन में गुल न हो तो ज़िंदगी नहीं होती
बशर का अज़्म निखरता है मुश्किलों ही में
अलम न जिस में हो वो ज़िंदगी नहीं होती
इसी उमीद पे 'हमदम' गुनाह करता हूँ
ख़ुदा के घर में करम की कमी नहीं होती
junūñ baġhair kabhī āgahī nahīñ hotī
jale na sham.a to kuchh raushnī nahīñ hotī
vo sajda sajda nahīñ jis meñ hosh baaqī ho
ba-qaid-e-hosh jo ho bandagī nahīñ hotī
qabā-e-husn kī tābish agar ho āñkhoñ meñ
bashar ke dil meñ kabhī tīrgī nahīñ hotī
qadam qadam pe jo khaa.e fareb hastī kā
us aadmī kī koī zindagī nahīñ hotī
rumūz-e-zīst se vāqif huā hai jo insāñ
baqā-e-zīst kī us ko ḳhushī nahīñ hotī
bashar ke vāste lāzim hai jazba-e-ulfat
chaman meñ gul na ho to zindagī nahīñ hotī
bashar kā azm nikhartā hai mushkiloñ hī meñ
alam na jis meñ ho vo zindagī nahīñ hotī
isī umiid pe 'hamdam' gunāh kartā huuñ
ḳhudā ke ghar meñ karam kī kamī nahīñ hotī
جنوں بغیر کبھی آگہی نہیں ہوتی
جلے نہ شمع تو کچھ روشنی نہیں ہوتی
وہ سجدہ سجدہ نہیں جس میں ہوش باقی ہو
بہ قید ہوش جو ہو بندگی نہیں ہوتی
قبائے حسن کی تابش اگر ہو آنکھوں میں
بشر کے دل میں کبھی تیرگی نہیں ہوتی
قدم قدم پہ جو کھائے فریب ہستی کا
اس آدمی کی کوئی زندگی نہیں ہوتی
رموز زیست سے واقف ہوا ہے جو انساں
بقائے زیست کی اس کو خوشی نہیں ہوتی
بشر کے واسطے لازم ہے جذبۂ الفت
چمن میں گل نہ ہو تو زندگی نہیں ہوتی
بشر کا عزم نکھرتا ہے مشکلوں ہی میں
الم نہ جس میں ہو وہ زندگی نہیں ہوتی
اسی امید پہ ہمدمؔ گناہ کرتا ہوں
خدا کے گھر میں کرم کی کمی نہیں ہوتی