जो पहचान आए तो पहचान जाए
मुझे जान जाए तुम्हें जान जाए
मिरा दीन जाए कि ईमान जाए
वो मन जाए मुझ से मिरी मान जाए
अगर जान जाती है तो जान जाए
वो जान-ए-तग़ाफ़ुल मगर जान जाए
वो इंसान के दिल में जब घर बनाएँ
कहाँ घर बनाने को इंसान जाए
ये इंकार-ओ-इक़रार छोड़ो कि इन से
न ईमान आए न ईमान जाए
तुम्हारी तमन्ना को दिल से निकालें
कहाँ घर से बाहर ये मेहमान जाए
न हो तुम वहाँ तो जुनूँ से न होगा
कि बैठे बिठाए बयाबान जाए
'ज़हीन' उन को उन से अलग देखना है
जहाँ वो न आएँ वहाँ ध्यान जाए
jo pahchān aa.e to pahchān jaa.e
mujhe jaan jaa.e tumheñ jaan jaa.e
mirā diin jaa.e ki īmān jaa.e
vo man jaa.e mujh se mirī maan jaa.e
agar jaan jaatī hai to jaan jaa.e
vo jān-e-taġhāful magar jaan jaa.e
vo insān ke dil meñ jab ghar banā.eñ
kahāñ ghar banāne ko insān jaa.e
ye inkār-o-iqrār chhoḌo ki in se
na īmān aa.e na īmān jaa.e
tumhārī tamannā ko dil se nikāleñ
kahāñ ghar se bāhar ye mehmān jaa.e
na ho tum vahāñ to junūñ se na hogā
ki baiThe biThā.e bayābān jaa.e
'zahīn' un ko un se alag dekhnā hai
jahāñ vo na aa.eñ vahāñ dhyān jaa.e
جو پہچان آئے تو پہچان جائے
مجھے جان جائے تمہیں جان جائے
مرا دین جائے کہ ایمان جائے
وہ من جائے مجھ سے مری مان جائے
اگر جان جاتی ہے تو جان جائے
وہ جان تغافل مگر جان جائے
وہ انسان کے دل میں جب گھر بنائیں
کہاں گھر بنانے کو انسان جائے
یہ انکار و اقرار چھوڑو کہ ان سے
نہ ایمان آئے نہ ایمان جائے
تمہاری تمنا کو دل سے نکالیں
کہاں گھر سے باہر یہ مہمان جائے
نہ ہو تم وہاں تو جنوں سے نہ ہوگا
کہ بیٹھے بٹھائے بیابان جائے
ذہینؔ ان کو ان سے الگ دیکھنا ہے
جہاں وہ نہ آئیں وہاں دھیان جائے