जो मुमकिन हो तो सोज़-ए-शम'अ परवाने में रख देना
अब इस अफ़्साने का उन्वान अफ़्साने में रख देना
बड़ी काफ़िर कशिश ईमाँ में है ऐ आज़िम-ए-का'बा
न ले जाना दिल अपने साथ बुत-ख़ाने में रख देना
मिरा दिल भी शराब-ए-इश्क़ से लबरेज़ है साक़ी
ये बोतल भी उड़ा कर काग मयख़ाने में रख देना
अभी आईना-ए-तस्वीर अभी हुश्यार अभी ग़ाफ़िल
तुम्हें आता है हर अंदाज़ दीवाने में रख देना
मिरा पैमाना-ए-हस्ती अगर साक़ी छलक जाए
मिरे हिस्से का ख़ाली जाम मयख़ाने में रख देना
शरीक-ए-मय जनाब-ए-शैख़ भी हो जाएँगे साक़ी
ज़रा ज़र्फ़-ए-वज़ू का ढंग पैमाने में रख देना
ये क्या दस्त-ए-अजल को काम सौंपा है मशिय्यत ने
चमन से तोड़ना फूल और वीराने में रख देना
वफ़ूर-ए-यास में 'क़ैसर' चले हैं दिल से चंद आँसू
ये लाशें हैं इन्हें आँखों के ख़स-ख़ाने में रख देना
jo mumkin ho to soz-e-sham.a parvāne meñ rakh denā
ab is afsāne kā unvān afsāne meñ rakh denā
baḌī kāfir kashish īmāñ meñ hai ai āzim-e-ka.aba
na le jaanā dil apne saath but-ḳhāne meñ rakh denā
mirā dil bhī sharāb-e-ishq se labrez hai saaqī
ye botal bhī uḌā kar kaag maiḳhāne meñ rakh denā
abhī ā.īna-e-tasvīr abhī hushyār abhī ġhāfil
tumheñ aatā hai har andāz dīvāne meñ rakh denā
mirā paimāna-e-hastī agar saaqī chhalak jaa.e
mire hisse kā ḳhālī jaam maiḳhāne meñ rakh denā
sharīk-e-mai janāb-e-shaiḳh bhī ho jā.eñge saaqī
zarā zarf-e-vazū kā Dhañg paimāne meñ rakh denā
ye kyā dast-e-ajal ko kaam sauñpā hai mashiyyat ne
chaman se toḌnā phuul aur vīrāne meñ rakh denā
vafūr-e-yās meñ 'qaisar' chale haiñ dil se chand aañsū
ye lāsheñ haiñ inheñ āñkhoñ ke ḳhas-ḳhāne meñ rakh denā
جو ممکن ہو تو سوز شمع پروانے میں رکھ دینا
اب اس افسانے کا عنوان افسانے میں رکھ دینا
بڑی کافر کشش ایماں میں ہے اے عازم کعبہ
نہ لے جانا دل اپنے ساتھ بت خانے میں رکھ دینا
مرا دل بھی شراب عشق سے لبریز ہے ساقی
یہ بوتل بھی اڑا کر کاگ میخانے میں رکھ دینا
ابھی آئینۂ تصویر ابھی ہشیار ابھی غافل
تمہیں آتا ہے ہر انداز دیوانے میں رکھ دینا
مرا پیمانۂ ہستی اگر ساقی چھلک جائے
مرے حصے کا خالی جام میخانے میں رکھ دینا
شریک مے جناب شیخ بھی ہو جائیں گے ساقی
ذرا ظرف وضو کا ڈھنگ پیمانے میں رکھ دینا
یہ کیا دست اجل کو کام سونپا ہے مشیت نے
چمن سے توڑنا پھول اور ویرانے میں رکھ دینا
وفور یاس میں قیصرؔ چلے ہیں دل سے چند آنسو
یہ لاشیں ہیں انہیں آنکھوں کے خس خانے میں رکھ دینا