जिस भी जगह देखी उस ने अपनी तस्वीर हटा ली थी
मेरे दिल की दीवारों पर दीमक लगने वाली थी
एक परिंदा उड़ने की कोशिश में गिर गिर जाता था
घर जाना था उस को पर वो रात बहुत ही काली थी
आँगन में जो दीप क़तारों में रक्खे थे धुआँ हुए
हवा चली उस रात बहुत जब मेरे घर दीवाली थी
इक मुद्दत पर घर लौटा था पास जब उस के बैठा मैं
मुझ में भी मौजूद नहीं थी वो ख़ुद में भी ख़ाली थी
'अर्श' बहारों में भी आया एक नज़ारा पतझड़ का
सब्ज़ शजर के सब्ज़ तने पर इक सूखी सी डाली थी
jis bhī jagah dekhī us ne apnī tasvīr haTā lī thī
mere dil kī dīvāroñ par dīmak lagne vaalī thī
ek parinda uḌne kī koshish meñ gir gir jaatā thā
ghar jaanā thā us ko par vo raat bahut hī kaalī thī
āñgan meñ jo diip qatāroñ meñ rakkhe the dhuāñ hue
havā chalī us raat bahut jab mere ghar dīvālī thī
ik muddat par ghar lauTā thā paas jab us ke baiThā maiñ
mujh meñ bhī maujūd nahīñ thī vo ḳhud meñ bhī ḳhālī thī
'arsh' bahāroñ meñ bhī aayā ek nazāra patjhaḌ kā
sabz shajar ke sabz tane par ik sūkhī sī Daalī thī
جس بھی جگہ دیکھی اس نے اپنی تصویر ہٹا لی تھی
میرے دل کی دیواروں پر دیمک لگنے والی تھی
ایک پرندہ اڑنے کی کوشش میں گر گر جاتا تھا
گھر جانا تھا اس کو پر وہ رات بہت ہی کالی تھی
آنگن میں جو دیپ قطاروں میں رکھے تھے دھواں ہوئے
ہوا چلی اس رات بہت جب میرے گھر دیوالی تھی
اک مدت پر گھر لوٹا تھا پاس جب اس کے بیٹھا میں
مجھ میں بھی موجود نہیں تھی وہ خود میں بھی خالی تھی
عرشؔ بہاروں میں بھی آیا ایک نظارہ پت جھڑ کا
سبز شجر کے سبز تنے پر اک سوکھی سی ڈالی تھی