झुका सके न मुझे हादसे मोहब्बत के
वही हूँ मैं तो वही सिलसिले मोहब्बत के
ये और बात कि तुम ही ने इम्तिहाँ न लिया
सबक़ तो याद थे सारे मुझे मोहब्बत के
तलाश कर उन्हें अहराम-ए-मिस्र की सूरत
हैं दश्त-ए-दिल में कई मक़बरे मोहब्बत के
बताऊँ मैं तुझे अंजाम-ए-आरज़ू कैसे
बना रहा हूँ अभी ज़ाइचे मोहब्बत के
हवा ये कैसी चली है सर-ए-दयार-ए-वफ़ा
बुझे बुझे हैं दिलों में दिए मोहब्बत के
न जाने कैसे मराहिल हैं उस जगह दरपेश
रुके हुए हैं जहाँ क़ाफ़िले मोहब्बत के
रह-ए-वफ़ा में क़दम देख भाल कर रखना
कुछ इतने सहल नहीं रास्ते मोहब्बत के
कशाकश-ए-ग़म-ए-दुनिया से किस को फ़ुर्सत है
करूँ मैं किस से यहाँ मशवरे मोहब्बत के
ज़रा सा भी मुझे ख़ौफ़-ए-ख़िज़ाँ नहीं 'शाहिद'
महक रहे हैं अभी गुल-कदे मोहब्बत के
jhukā sake na mujhe hādse mohabbat ke
vahī huuñ maiñ to vahī silsile mohabbat ke
ye aur baat ki tum hī ne imtihāñ na liyā
sabaq to yaad the saare mujhe mohabbat ke
talāsh kar unheñ ahrām-e-misr kī sūrat
haiñ dasht-e-dil meñ ka.ī maqbare mohabbat ke
batā.ūñ maiñ tujhe anjām-e-ārzū kaise
banā rahā huuñ abhī zā.iche mohabbat ke
havā ye kaisī chalī hai sar-e-dayār-e-vafā
bujhe bujhe haiñ diloñ meñ diye mohabbat ke
na jaane kaise marāhil haiñ us jagah darpesh
ruke hue haiñ jahāñ qāfile mohabbat ke
rah-e-vafā meñ qadam dekh bhaal kar rakhnā
kuchh itne sahl nahīñ rāste mohabbat ke
kashākash-e-ġhame-duniyā se kis ko fursat hai
karūñ maiñ kis se yahāñ mashvare mohabbat ke
zarā sā bhī mujhe ḳhauf-e-ḳhizāñ nahīñ 'shāhid'
mahak rahe haiñ abhī gul-kade mohabbat ke
جھکا سکے نہ مجھے حادثے محبت کے
وہی ہوں میں تو وہی سلسلے محبت کے
یہ اور بات کہ تم ہی نے امتحاں نہ لیا
سبق تو یاد تھے سارے مجھے محبت کے
تلاش کر انہیں اہرام مصر کی صورت
ہیں دشت دل میں کئی مقبرے محبت کے
بتاؤں میں تجھے انجام آرزو کیسے
بنا رہا ہوں ابھی زائچے محبت کے
ہوا یہ کیسی چلی ہے سر دیار وفا
بجھے بجھے ہیں دلوں میں دیے محبت کے
نہ جانے کیسے مراحل ہیں اس جگہ درپیش
رکے ہوئے ہیں جہاں قافلے محبت کے
رہ وفا میں قدم دیکھ بھال کر رکھنا
کچھ اتنے سہل نہیں راستے محبت کے
کشاکش غم دنیا سے کس کو فرصت ہے
کروں میں کس سے یہاں مشورے محبت کے
ذرا سا بھی مجھے خوف خزاں نہیں شاہدؔ
مہک رہے ہیں ابھی گل کدے محبت کے