जल्वा-ए-होश-रुबा कोई दिखाया जाए
'आलम-ए-शौक़ को दीवाना बनाया जाए
तू ने दुनिया ही बदल दी मिरे अरमानों की
ग़म-ए-दौराँ तुझे सीने से लगाया जाए
जागते जागते क़िस्मत को सुला बैठा हूँ
मिरी सोई हुई क़िस्मत को जगाया जाए
आओ ऐ ख़्वाब-गह-ए-नाज़ की नींदो कि तुम्हें
जागती रातों का अंदाज़ दिखाया जाए
हश्र को हश्र उठाने की ज़रूरत न रहे
हश्र से पहले कोई हश्र उठाया जाए
साज़-ए-दिल टूट गया वक़्त गया नग़्मों का
अब जवानी का कोई नौहा सुनाया जाए
आप जल्वों को समेटे हुए क्यों बैठे हैं
आबशारों की तरह नूर लुटाया जाए
मौजा-ए-ज़ुल्फ़-ए-मो'अम्बर का तक़ाज़ा है यही
निकहत-ओ-नूर का तूफ़ान उठाया जाए
'चर्ख़' वो मय-कदा-बर-दोश घटाएँ आईं
हुरमत-ए-तौबा को ख़ातिर में न लाया जाए
jalva-e-hosh-rubā koī dikhāyā jaa.e
'ālam-e-shauq ko dīvāna banāyā jaa.e
tū ne duniyā hī badal dī mire armānoñ kī
ġham-e-daurāñ tujhe siine se lagāyā jaa.e
jāgte jāgte qismat ko sulā baiThā huuñ
mirī soī huī qismat ko jagāyā jaa.e
aao ai ḳhvāb-gah-e-nāz kī nīñdo ki tumheñ
jāgtī rātoñ kā andāz dikhāyā jaa.e
hashr ko hashr uThāne kī zarūrat na rahe
hashr se pahle koī hashr uThāyā jaa.e
sāz-e-dil TuuT gayā vaqt gayā naġhmoñ kā
ab javānī kā koī nauha sunāyā jaa.e
aap jalvoñ ko sameTe hue kyoñ baiThe haiñ
ābshāroñ kī tarah nuur luTāyā jaa.e
mauja-e-zulf-e-mo'ambar kā taqāzā hai yahī
nik.hat-o-nūr kā tūfān uThāyā jaa.e
'charḳh' vo mai-kada-bar-dosh ghaTā.eñ aa.iiñ
hurmat-e-tauba ko ḳhātir meñ na laayā jaa.e
جلوۂ ہوش ربا کوئی دکھایا جائے
عالم شوق کو دیوانہ بنایا جائے
تو نے دنیا ہی بدل دی مرے ارمانوں کی
غم دوراں تجھے سینے سے لگایا جائے
جاگتے جاگتے قسمت کو سلا بیٹھا ہوں
مری سوئی ہوئی قسمت کو جگایا جائے
آؤ اے خواب گہ ناز کی نیندو کہ تمہیں
جاگتی راتوں کا انداز دکھایا جائے
حشر کو حشر اٹھانے کی ضرورت نہ رہے
حشر سے پہلے کوئی حشر اٹھایا جائے
ساز دل ٹوٹ گیا وقت گیا نغموں کا
اب جوانی کا کوئی نوحہ سنایا جائے
آپ جلووں کو سمیٹے ہوئے کیوں بیٹھے ہیں
آبشاروں کی طرح نور لٹایا جائے
موجۂ زلف معنبر کا تقاضا ہے یہی
نکہت و نور کا طوفان اٹھایا جائے
چرخؔ وہ میکدہ بر دوش گھٹائیں آئیں
حرمت توبہ کو خاطر میں نہ لایا جائے