जला है हाए किस जान-ए-चमन की शम-ए-महफ़िल से
महक फूलों की आती है शरार-ए-आतिश-ए-दिल से
ये दामान-ए-हवादिस से क़यामत तक न गुल होगा
चराग़-ए-दिल मिरा रौशन है उन की शम-ए-महफ़िल से
जनाब-ए-ख़िज़्र हम को ख़ाक रस्ते पर लगाएँगे
कि मंज़िल बे-ख़ुदों की है मुअर्रा क़ैद-ए-मंज़िल से
ठहर भी ऐ ख़याल-ए-हश्र और इक जाम पीने दे
सरकता है अभी ज़ुल्मत का पर्दा ख़ाना-ए-दिल से
सहर ने ले के अंगड़ाई तिलिस्म-ए-नाज़-ए-शब तोड़ा
फ़लक पर हुस्न की शमएँ उठीं तारों की महफ़िल से
बढ़ा है कौन ये गिर्दाब की ख़ूराक होने को
कि उट्ठा शोर-ए-मातम यक-ब-यक अम्बोह-ए-साहिल से
मिरी बालीं से उठ कर रोने वालो ये भी सोचा है
चला हूँ किस की महफ़िल में उठा हूँ किस की महफ़िल से
है उस कम्बख़्त को ज़िद सोज़-ए-बातिन से पिघल जाऊँ
निगाहों ने तुम्हारी कह दिया है क्या मिरे दिल से
न दामन-गीर-ए-दिल हो ना-ख़ुदा फिर कोई नज़्ज़ारा
ख़ुदा के वास्ते कश्ती बढ़ा आग़ोश-ए-साहिल से
सिपुर्द-ए-बे-ख़ुदी कर दे फ़राएज़ अक़्ल-ए-ख़ुद-बीं के
हटा दे इस सियह-बातिन का पहरा ख़ाना-ए-दिल से
हर इक ज़र्रा है दिल ऐ जाने वाले देख कर चलना
हज़ारों हस्तियाँ लिपटी पड़ी हैं ख़ाक-ए-मंज़िल से
मिरी बेबाक नज़रें उन की जानिब उठ ही जाती हैं
अभी 'एहसान' मैं वाक़िफ़ नहीं आदाब-ए-महफ़िल से
jalā hai haa.e kis jān-e-chaman kī sham-e-mahfil se
mahak phūloñ kī aatī hai sharār-e-ātish-e-dil se
ye dāmān-e-havādis se qayāmat tak na gul hogā
charāġh-e-dil mirā raushan hai un kī sham-e-mahfil se
janāb-e-ḳhizr ham ko ḳhaak raste par lagā.eñge
ki manzil be-ḳhudoñ kī hai muarra qaid-e-manzil se
Thahar bhī ai ḳhayāl-e-hashr aur ik jaam piine de
saraktā hai abhī zulmat kā parda ḳhāna-e-dil se
sahar ne le ke añgḌā.ī tilism-e-nāz-shab toḌā
falak par husn kī sham.eñ uThīñ tāroñ kī mahfil se
baḌhā hai kaun ye girdāb kī ḳhūrāk hone ko
ki uTThā shor-e-mātam yak-ba-yak amboh-e-sāhil se
mirī bālīñ se uTh kar rone vaalo ye bhī sochā hai
chalā huuñ kis kī mahfil meñ uThā huuñ kis kī mahfil se
hai us kambaḳht ko zid soz-e-bātin se pighal jā.ūñ
nigāhoñ ne tumhārī kah diyā hai kyā mire dil se
na dāman-gīr-e-dil ho nā-ḳhudā phir koī nazzāra
ḳhudā ke vāste kashtī baḌhā āġhosh-e-sāhil se
sipurd-e-be-ḳhudī kar de farā.ez aql-e-ḳhud-bīñ ke
haTā de is siyah-bātin kā pahrā ḳhāna-e-dil se
har ik zarra hai dil ai jaane vaale dekh kar chalnā
hazāroñ hastiyāñ lipTī paḌī haiñ ḳhāk-e-manzil se
mirī bebāk nazreñ un kī jānib uTh hī jaatī haiñ
abhī 'ehsān' maiñ vāqif nahīñ ādāb-e-mahfil se
جلا ہے ہائے کس جان چمن کی شمع محفل سے
مہک پھولوں کی آتی ہے شرار آتش دل سے
یہ دامان حوادث سے قیامت تک نہ گل ہوگا
چراغ دل مرا روشن ہے ان کی شمع محفل سے
جناب خضر ہم کو خاک رستے پر لگائیں گے
کہ منزل بے خودوں کی ہے معرا قید منزل سے
ٹھہر بھی اے خیال حشر اور اک جام پینے دے
سرکتا ہے ابھی ظلمت کا پردہ خانۂ دل سے
سحر نے لے کے انگڑائی طلسم ناز شب توڑا
فلک پر حسن کی شمعیں اٹھیں تاروں کی محفل سے
بڑھا ہے کون یہ گرداب کی خوراک ہونے کو
کہ اٹھا شور ماتم یک بیک انبوہ ساحل سے
مری بالیں سے اٹھ کر رونے والو یہ بھی سوچا ہے
چلا ہوں کس کی محفل میں اٹھا ہوں کس کی محفل سے
ہے اس کمبخت کو ضد سوز باطن سے پگھل جاؤں
نگاہوں نے تمہاری کہہ دیا ہے کیا مرے دل سے
نہ دامن گیر دل ہو نا خدا پھر کوئی نظارہ
خدا کے واسطے کشتی بڑھا آغوش ساحل سے
سپرد بیخودی کر دے فرائض عقل خود بیں کے
ہٹا دے اس سیہ باطن کا پہرا خانۂ دل سے
ہر اک ذرہ ہے دل اے جانے والے دیکھ کر چلنا
ہزاروں ہستیاں لپٹی پڑی ہیں خاک منزل سے
مری بے باک نظریں ان کی جانب اٹھ ہی جاتی ہیں
ابھی احسانؔ میں واقف نہیں آداب محفل سے