जहान-ए-गिर्या जो आदम को ख़ुल्द का दुख है
इसी लिहाज़ से धरती हवा ख़ला दुख है
कभी फ़िराक़ की रातों में आइना देखूँ
तो ख़ुद से कहता हूँ देखो ये आइना दुख है
शदीद रोना तो अंदर का हब्स घुटना है
खिचाव हँसने से पड़ता है क़हक़हा दुख है
ज़मीन गोल है मेरी वफ़ात ने खोला
कि दोस्त अम्मी से कहते थे ये बड़ा दुख है
मैं बाँझ पेड़ हूँ साया न फल मिरे ऊपर
मुझे समय दे कभी पूछ मुझ को क्या दुख है
तमाम ख़ुशियाँ इकट्ठी थीं एक दुख के गिर्द
उन्हें धकेल के चीख़ा हटो मिरा दुख है
मैं ख़ुद से जंग में हारा हुआ सिपाही हूँ
कि जिस का राब्ता नंबर अता-पता दुख है
jahān-e-girya jo aadam ko ḳhuld kā dukh hai
isī lihāz se dhartī havā ḳhalā dukh hai
kabhī firāq kī rātoñ meñ aa.ina dekhūñ
to ḳhud se kahtā huuñ dekho ye aa.ina dukh hai
shadīd ronā to andar kā habs ghuTnā hai
khichāo hañsne se paḌtā hai qahqaha dukh hai
zamīn gol hai merī vafāt ne kholā
ki dost ammī se kahte the ye baḌā dukh hai
maiñ bāñjh peḌ huuñ saaya na phal mire uupar
mujhe samay de kabhī pūchh mujh ko kyā dukh hai
tamām ḳhushiyāñ ikaTThī thiiñ ek dukh ke gird
unheñ dhakel ke chīḳhā haTo mirā dukh hai
maiñ ḳhud se jañg meñ haarā huā sipāhī huuñ
ki jis kā rābta number atā-patā dukh hai
جہان گریہ جو آدم کو خلد کا دکھ ہے
اسی لحاظ سے دھرتی ہوا خلا دکھ ہے
کبھی فراق کی راتوں میں آئنہ دیکھوں
تو خود سے کہتا ہوں دیکھو یہ آئنہ دکھ ہے
شدید رونا تو اندر کا حبس گھٹنا ہے
کھچاؤ ہنسنے سے پڑتا ہے قہقہہ دکھ ہے
زمین گول ہے میری وفات نے کھولا
کہ دوست امی سے کہتے تھے یہ بڑا دکھ ہے
میں بانجھ پیڑ ہوں سایہ نہ پھل مرے اوپر
مجھے سمے دے کبھی پوچھ مجھ کو کیا دکھ ہے
تمام خوشیاں اکٹھی تھیں ایک دکھ کے گرد
انہیں دھکیل کے چیخا ہٹو مرا دکھ ہے
میں خود سے جنگ میں ہارا ہوا سپاہی ہوں
کہ جس کا رابطہ نمبر اتا پتا دکھ ہے