जबीनों को ब-सद तस्लीम ख़म देखा गया है
बहुत ना-मुतमइन आँखों में नम देखा गया है
कहीं जा-ए-नमाज़-ए-शुक्र पर आँसू की इक बूँद
उसी क़तरे में दजला यम-ब-यम देखा गया है
सब आशुफ़्ता-सरों का एक ही ना'रा कि हम हैं
हम-आवाज़ों को दिल का हम-क़दम देखा गया है
बयाज़-ए-ख़्वाब-ए-रफ़्ता क्या 'अजब तरतीब पा जाए
किताब-ए-जाँ का शीराज़ा बहम देखा गया है
उधर उस चाँद तारे से ज़रा मशरिक़ की जानिब
सुबुक लगता हुआ परचम 'अलम देखा गया है
रफ़ू-ए-ज़ख्म-ए-देरीना की इक सूरत तो निकली
जिधर देखा नहीं था कम से कम देखा गया है
यहीं इक मंज़िल-ए-दुश्वार-ओ-ना-हमवार के बीच
कहीं इक जादा-ए-बे-पेच-ओ-ख़म देखा गया है
jabīnoñ ko ba-sad taslīm ḳham dekhā gayā hai
bahut nā-mutma.in āñkhoñ meñ nam dekhā gayā hai
kahīñ jā-e-namāz-e-shukr par aañsū kī ik buuñd
usī qatre meñ dajla yam-ba-yam dekhā gayā hai
sab āshufta-saroñ kā ek hī nā'ra ki ham haiñ
ham-āvāzoñ ko dil kā ham-qadam dekhā gayā hai
bayāz-e-ḳhvāb-e-rafta kyā 'ajab tartīb pā jaa.e
kitāb-e-jāñ kā shīrāza baham dekhā gayā hai
udhar us chāñd taare se zarā mashriq kī jānib
subuk lagtā huā parcham 'alam dekhā gayā hai
rafū-e-zaḳhm-e-derīna kī ik sūrat to niklī
jidhar dekhā nahīñ thā kam se kam dekhā gayā hai
yahīñ ik manzil-e-dushvār-o-nā-hamvār ke biich
kahīñ ik jāda-e-be-pech-o-ḳham dekhā gayā hai
جبینوں کو بصد تسلیم خم دیکھا گیا ہے
بہت نا مطمئن آنکھوں میں نم دیکھا گیا ہے
کہیں جائے نماز شکر پر آنسو کی اک بوند
اسی قطرے میں دجلہ یم بہ یم دیکھا گیا ہے
سب آشفتہ سروں کا ایک ہی نعرہ کہ ہم ہیں
ہم آوازوں کو دل کا ہم قدم دیکھا گیا ہے
بیاض خواب رفتہ کیا عجب ترتیب پا جائے
کتاب جاں کا شیرازہ بہم دیکھا گیا ہے
ادھر اس چاند تارے سے ذرا مشرق کی جانب
سبک لگتا ہوا پرچم علم دیکھا گیا ہے
رفوئے زخم دیرینہ کی اک صورت تو نکلی
جدھر دیکھا نہیں تھا کم سے کم دیکھا گیا ہے
یہیں اک منزل دشوار و نا ہموار کے بیچ
کہیں اک جادۂ بے پیچ و خم دیکھا گیا ہے