जब मकीनों को मकीं आराम दे सकते नहीं
चार-दीवारी को घर का नाम दे सकते नहीं
ज़िंदगी ने बख़्श दी है वो ‘अदीम-उल-फ़ुर्सती
अब तो ख़ुद को अपने सुब्ह-ओ-शाम दे सकते नहीं
शामत-ए-आ’माल से हम पर मुसल्लत हो गया
हम अमीर-ए-शहर को इल्ज़ाम दे सकते नहीं
दोस्तो करते रहेंगे आप के हक़ में दु'आ
और तो ख़िदमत कोई अंजाम दे सकते नहीं
पल रहे हैं कितने बच्चे रूखी-सूखी पर 'मुनीर'
हम उन्हें चिल्ग़ोज़ा-ओ-बादाम दे सकते नहीं
jab makīnoñ ko makīñ ārām de sakte nahīñ
chār-dīvārī ko ghar kā naam de sakte nahīñ
zindagī ne baḳhsh dī hai vo ‘adīm-ul-fursatī
ab to ḳhud ko apne sub.h-o-shām de sakte nahīñ
shāmat-e-ā’māl se ham par musallat ho gayā
ham amīr-e-shahr ko ilzām de sakte nahīñ
dosto karte raheñge aap ke haq meñ du'ā
aur to ḳhidmat koī anjām de sakte nahīñ
pal rahe haiñ kitne bachche rūkhī-sūkhī par 'munīr'
ham unheñ chilġhoza-o-bādām de sakte nahīñ
جب مکینوں کو مکیں آرام دے سکتے نہیں
چار دیواری کو گھر کا نام دے سکتے نہیں
زندگی نے بخش دی ہے وہ عدیم الفرصتی
اب تو خود کو اپنے صبح و شام دے سکتے نہیں
شامت اعمال سے ہم پر مسلط ہو گیا
ہم امیر شہر کو الزام دے سکتے نہیں
دوستو کرتے رہیں گے آپ کے حق میں دعا
اور تو خدمت کوئی انجام دے سکتے نہیں
پل رہے ہیں کتنے بچے روکھی سوکھی پر منیرؔ
ہم انہیں چلغوزہ و بادام دے سکتے نہیں