जब कभी ख़ूबी-ए-क़िस्मत से तुझे देखते हैं
आइना-ख़ाने की हैरत से तुझे देखते हैं
वो जो पामाल-ए-ज़माना हैं मिरे तख़्त-नशीं
देख तो कैसी मोहब्बत से तुझे देखते हैं
कासा-ए-दीद में बस एक झलक का सिक्का
हम फ़क़ीरों की क़नाअ'त से तुझे देखते हैं
तेरे जाने का ख़याल आता है घर से जिस दम
दर-ओ-दीवार की हसरत से तुझे देखते हैं
तेरे कूचे में चले जाते हैं क़ासिद बन कर
और अक्सर उसी सूरत से तुझे देखते हैं
कह गई बाद-ए-सबा आज तिरे कान में क्या
फूल किस दर्जा शरारत से तुझे देखते हैं
तुझ को क्या 'इल्म तुझे हारने वाले कुछ लोग
किस क़दर सख़्त नदामत से तुझे देखते हैं
jab kabhī ḳhūbī-e-qismat se tujhe dekhte haiñ
ā.ina-ḳhāne kī hairat se tujhe dekhte haiñ
vo jo pāmāl-e-zamāna haiñ mire taḳht-nashīñ
dekh to kaisī mohabbat se tujhe dekhte haiñ
kāsa-e-dīd meñ bas ek jhalak kā sikka
ham faqīroñ kī qanā'at se tujhe dekhte haiñ
tere jaane kā ḳhayāl aatā hai ghar se jis dam
dar-o-dīvār kī hasrat se tujhe dekhte haiñ
tere kūche meñ chale jaate haiñ qāsid ban kar
aur aksar usī sūrat se tujhe dekhte haiñ
kah ga.ī bād-e-sabā aaj tire kaan meñ kyā
phuul kis darja sharārat se tujhe dekhte haiñ
tujh ko kyā 'ilm tujhe hārne vaale kuchh log
kis qadar saḳht nadāmat se tujhe dekhte haiñ
جب کبھی خوبیٔ قسمت سے تجھے دیکھتے ہیں
آئنہ خانے کی حیرت سے تجھے دیکھتے ہیں
وہ جو پامال زمانہ ہیں مرے تخت نشیں
دیکھ تو کیسی محبت سے تجھے دیکھتے ہیں
کاسۂ دید میں بس ایک جھلک کا سکہ
ہم فقیروں کی قناعت سے تجھے دیکھتے ہیں
تیرے جانے کا خیال آتا ہے گھر سے جس دم
در و دیوار کی حسرت سے تجھے دیکھتے ہیں
تیرے کوچے میں چلے جاتے ہیں قاصد بن کر
اور اکثر اسی صورت سے تجھے دیکھتے ہیں
کہہ گئی باد صبا آج ترے کان میں کیا
پھول کس درجہ شرارت سے تجھے دیکھتے ہیں
تجھ کو کیا علم تجھے ہارنے والے کچھ لوگ
کس قدر سخت ندامت سے تجھے دیکھتے ہیں