जब आइनों को भी धुँदला दिखाई देने लगा
मैं अपने आप ही अपनी सफ़ाई देने लगा
सदा ग़रीब की आए कहाँ से कानों तक
अमीर-ए-शहर को ऊँचा सुनाई देने लगा
ख़ता ये उस की नहीं थी सिला भलाई का था
वो जाते वक़्त जो मुझ को बुराई देने लगा
मुख़ालिफ़ों को मिरे फ़त्ह क्यों न होती नसीब
मिरे ख़िलाफ़ गवाही जो भाई देने लगा
मरीज़-ए-हिज्र हूँ आराम वस्ल से होगा
तबीब क्या मिरे ग़म की दवाई देने लगा
शब-ए-फ़िराक़ जो तन्हाइयों ने तंग किया
मैं अपने यार को 'फ़ैसल' दुहाई देने लगा
jab ā.inoñ ko bhī dhuñdlā dikhā.ī dene lagā
maiñ apne aap hī apnī safā.ī dene lagā
sadā ġharīb kī aa.e kahāñ se kānoñ tak
amīr-e-shahr ko ūñchā sunā.ī dene lagā
ḳhatā ye us kī nahīñ thī sila bhalā.ī kā thā
vo jaate vaqt jo mujh ko burā.ī dene lagā
muḳhālifoñ ko mire fat.h kyoñ na hotī nasīb
mire ḳhilāf gavāhī jo bhaa.ī dene lagā
marīz-e-hijr huuñ ārām vasl se hogā
tabīb kyā mire ġham kī davā.ī dene lagā
shab-e-firāq jo tanhā.iyoñ ne tang kiyā
maiñ apne yaar ko 'faisal' duhā.ī dene lagā
جب آئنوں کو بھی دھندلا دکھائی دینے لگا
میں اپنے آپ ہی اپنی صفائی دینے لگا
صدا غریب کی آئے کہاں سے کانوں تک
امیر شہر کو اونچا سنائی دینے لگا
خطا یہ اس کی نہیں تھی صلہ بھلائی کا تھا
وہ جاتے وقت جو مجھ کو برائی دینے لگا
مخالفوں کو مرے فتح کیوں نہ ہوتی نصیب
مرے خلاف گواہی جو بھائی دینے لگا
مریض ہجر ہوں آرام وصل سے ہوگا
طبیب کیا مرے غم کی دوائی دینے لگا
شب فراق جو تنہائیوں نے تنگ کیا
میں اپنے یار کو فیصلؔ دہائی دینے لگا