इतनी आसानी से गर तुझ को ख़ुदा मिल जाएगा
फिर तो तेरी वहशतों को हौसला मिल जाएगा
तिकड़मों से तुझ को जन्नत का पता मिल जाएगा
पर सिफ़ारिश से वहाँ क्या दाख़िला मिल जाएगा
तीरगी तो बस तमाशा देखती रह जाएगी
आंधियों से साज़िशन बुझता दिया मिल जाएगा
बेचना तो है नहीं ईमान फिर भी बोलिए
इस का बाज़ारों में हम को दाम क्या मिल जाएगा
आँख है घर दिल गली ये जिस्म उन का शहर है
डाकिया को मुझ में ही उन का पता मिल जाएगा
झूटी शक्लों को है मुश्किल ख़ुद को वो देखें कहाँ
सच्चे चेहरों को तो फिर भी आइना मिल जाएगा
सच तो ये है फिर से उस की बातों में आ जाएँगे
आज भी हम को अगर वो बेवफ़ा मिल जाएगा
आप के नख़रे उठाएँ हर घड़ी मिन्नत करें
जाइए इतने में तो हम को ख़ुदा मिल जाएगा
ना-उमीदी में भी मेरी पुर-उमीदी देखिए
वो हुआ मिल कर जुदा हो कर जुदा मिल जाएगा
itnī āsānī se gar tujh ko ḳhudā mil jā.egā
phir to terī vahshatoñ ko hausla mil jā.egā
tikḌamoñ se tujh ko jannat kā patā mil jā.egā
par sifārish se vahāñ kyā dāḳhila mil jā.egā
tīrgī to bas tamāsha dekhtī rah jā.egī
āñdhiy.oñ se sāzishan bujhtā diyā mil jā.egā
bechnā to hai nahīñ īmān phir bhī boliye
is kā bāzāroñ meñ ham ko daam kyā mil jā.egā
aañkh hai ghar dil galī ye jism un kā shahr hai
Dākiyā ko mujh meñ hī un kā patā mil jā.egā
jhūTī shakloñ ko hai mushkil ḳhud ko vo dekheñ kahāñ
sachche chehroñ ko to phir bhī aa.ina mil jā.egā
sach to ye hai phir se us kī bātoñ meñ aa jā.eñge
aaj bhī ham ko agar vo bevafā mil jā.egā
aap ke naḳhre uThā.eñ har ghaḌī minnat kareñ
jā.iye itne meñ to ham ko ḳhudā mil jā.egā
nā-umīdī meñ bhī merī pur-umīdī dekhiye
vo huā mil kar judā ho kar judā mil jā.egā
اتنی آسانی سے گر تجھ کو خدا مل جائے گا
پھر تو تیری وحشتوں کو حوصلہ مل جائے گا
تکڑموں سے تجھ کو جنت کا پتا مل جائے گا
پر سفارش سے وہاں کیا داخلہ مل جائے گا
تیرگی تو بس تماشہ دیکھتی رہ جائے گی
آندھیوں سے سازشاً بجھتا دیا مل جائے گا
بیچنا تو ہے نہیں ایمان پھر بھی بولئے
اس کا بازاروں میں ہم کو دام کیا مل جائے گا
آنکھ ہے گھر دل گلی یہ جسم ان کا شہر ہے
ڈاکیہ کو مجھ میں ہی ان کا پتا مل جائے گا
جھوٹی شکلوں کو ہے مشکل خود کو وہ دیکھیں کہاں
سچے چہروں کو تو پھر بھی آئنہ مل جائے گا
سچ تو یہ ہے پھر سے اس کی باتوں میں آ جائیں گے
آج بھی ہم کو اگر وہ بے وفا مل جائے گا
آپ کے نخرے اٹھائیں ہر گھڑی منت کریں
جائیے اتنے میں تو ہم کو خدا مل جائے گا
ناامیدی میں بھی میری پر امیدی دیکھیے
وہ ہوا مل کر جدا ہو کر جدا مل جائے گا