इसी में ख़ुश हूँ मिरा दुख कोई तो सहता है
चली चलूँगी जहाँ तक ये साथ रहता है
ज़मीन-ए-दिल यूँही शादाब तो नहीं ऐ दोस्त
क़रीब में कोई दरिया ज़रूर बहता है
घने दरख़्तों के गिरने पे मा-सिवा-ए-हवा
अज़ाब-ए-दर-बदरी और कौन सहता है
न जाने कौन सा फ़िक़रा कहाँ रक़म हो जाए
दिलों का हाल भी अब कौन किस से कहता है
मक़ाम-ए-दिल कहीं आबादियों से है बाहर
और इस मकान में जैसे कि कोई रहता है
मिरे बदन को नमी खा गई है अश्कों की
भरी बहार में कैसा मकान ढहता है
isī meñ ḳhush huuñ mirā dukh koī to sahtā hai
chalī chalūñgī jahāñ tak ye saath rahtā hai
zamīn-e-dil yūñhī shādāb to nahīñ ai dost
qarīb meñ koī dariyā zarūr bahtā hai
ghane daraḳhtoñ ke girne pe mā-sivā-e-havā
azāb-e-dar-badrī aur kaun sahtā hai
na jaane kaun sā fiqra kahāñ raqam ho jaa.e
diloñ kā haal bhī ab kaun kis se kahtā hai
maqām-e-dil kahīñ ābādiyoñ se hai bāhar
aur is makān meñ jaise ki koī rahtā hai
mire badan ko namī khā ga.ī hai ashkoñ kī
bharī bahār meñ kaisā makān Dhahtā hai
اسی میں خوش ہوں مرا دکھ کوئی تو سہتا ہے
چلی چلوں گی جہاں تک یہ ساتھ رہتا ہے
زمین دل یوں ہی شاداب تو نہیں اے دوست
قریب میں کوئی دریا ضرور بہتا ہے
گھنے درختوں کے گرنے پہ ماسوائے ہوا
عذاب در بدری اور کون سہتا ہے
نہ جانے کون سا فقرہ کہاں رقم ہو جائے
دلوں کا حال بھی اب کون کس سے کہتا ہے
مقام دل کہیں آبادیوں سے ہے باہر
اور اس مکان میں جیسے کہ کوئی رہتا ہے
مرے بدن کو نمی کھا گئی ہے اشکوں کی
بھری بہار میں کیسا مکان ڈہتا ہے