इश्क़ को तक़लीद से आज़ाद कर
दिल से गिर्या आँख से फ़रियाद कर
बाज़ आ ऐ बंदा-ए-हुस्न-ए-मजाज़
यूँ न अपनी ज़िंदगी बर्बाद कर
ऐ ख़यालों के मकीं नज़रों से दूर
मेरी वीराँ ख़ल्वतें आबाद कर
नज़अ में हिचकी नहीं आई मुझे
भूलने वाले ख़ुदा-रा याद कर
हुस्न को दुनिया की आँखों से न देख
अपनी इक तर्ज़-ए-नज़र ईजाद कर
इशरत-ए-दुनिया है इक ख़्वाब-ए-बहार
काबा-ए-दिल दर्द से आबाद कर
अब कहाँ 'एहसान' दुनिया में वफ़ा
तौबा कर नादाँ ख़ुदा को याद कर
ishq ko taqlīd se āzād kar
dil se girya aañkh se fariyād kar
baaz aa ai banda-e-husn-e-majāz
yuuñ na apnī zindagī barbād kar
ai ḳhayāloñ ke makīñ nazroñ se duur
merī vīrāñ ḳhalvateñ ābād kar
naza.a meñ hichkī nahīñ aa.ī mujhe
bhūlne vaale ḳhudā-rā yaad kar
husn ko duniyā kī āñkhoñ se na dekh
apnī ik tarz-e-nazar ījād kar
ishrat-e-duniyā hai ik ḳhvāb-e-bahār
kāba-e-dil dard se ābād kar
ab kahāñ 'ehsān' duniyā meñ vafā
tauba kar nādāñ ḳhudā ko yaad kar
عشق کو تقلید سے آزاد کر
دل سے گریہ آنکھ سے فریاد کر
باز آ اے بندۂ حسن مجاز
یوں نہ اپنی زندگی برباد کر
اے خیالوں کے مکیں نظروں سے دور
میری ویراں خلوتیں آباد کر
نزع میں ہچکی نہیں آئی مجھے
بھولنے والے خدارا یاد کر
حسن کو دنیا کی آنکھوں سے نہ دیکھ
اپنی اک طرز نظر ایجاد کر
عشرت دنیا ہے اک خواب بہار
کعبۂ دل درد سے آباد کر
اب کہاں احسانؔ دنیا میں وفا
توبہ کر ناداں خدا کو یاد کر