इश्क़ की दुनिया में इक हंगामा बरपा कर दिया
ऐ ख़याल-ए-दोस्त ये क्या हो गया क्या कर दिया
ज़र्रे ज़र्रे ने मिरा अफ़्साना सुन कर दाद दी
मैं ने वहशत में जहाँ को तेरा शैदा कर दिया
तूर पर राह-ए-वफ़ा में बो दिए काँटे कलीम
इश्क़ की वुसअत को मस्दूद-ए-तक़ाज़ा कर दिया
बिस्तर-ए-मशरिक़ से सूरज ने उठाया अपना सर
किस ने ये महफ़िल में ज़िक्र-ए-हुस्न-ए-यक्ता कर दिया
चश्म-ए-नर्गिस जा-ए-शबनम ख़ून रोएगी नदीम
मैं ने जिस दिन गुलसिताँ का राज़ इफ़्शा कर दिया
क़ैस ये मेराज-ए-उल्फ़त है कि एजाज़-ए-जुनूँ
नज्द के हर ज़र्रे को तस्वीर-ए-लैला कर दिया
मुद्दआ-ए-दिल कहूँ 'एहसान' किस उम्मीद पर
वो जो चाहेंगे करेंगे और जो चाहा कर दिया
ishq kī duniyā meñ ik hañgāma barpā kar diyā
ai ḳhayāl-e-dost ye kyā ho gayā kyā kar diyā
zarre zarre ne mirā afsāna sun kar daad dī
maiñ ne vahshat meñ jahāñ ko terā shaidā kar diyā
tuur par rāh-e-vafā meñ bo diye kāñTe kalīm
ishq kī vus.at ko masdūd-e-taqāzā kar diyā
bistar-e-mashriq se sūraj ne uThāyā apnā sar
kis ne ye mahfil meñ zikr-e-husn-e-yaktā kar diyā
chashm-e-nargis jā-e-shabnam ḳhuun ro.egī nadīm
maiñ ne jis din gulsitāñ kā raaz ifshā kar diyā
qais ye merāj-e-ulfat hai ki ejāz-e-junūñ
najd ke har zarre ko tasvīr-e-lailā kar diyā
mudda.ā-e-dil kahūñ 'ehsān' kis ummīd par
vo jo chāheñge kareñge aur jo chāhā kar diyā
عشق کی دنیا میں اک ہنگامہ برپا کر دیا
اے خیال دوست یہ کیا ہو گیا کیا کر دیا
ذرے ذرے نے مرا افسانہ سن کر داد دی
میں نے وحشت میں جہاں کو تیرا شیدا کر دیا
طور پر راہ وفا میں بو دیئے کانٹے کلیم
عشق کی وسعت کو مسدود تقاضا کر دیا
بستر مشرق سے سورج نے اٹھایا اپنا سر
کس نے یہ محفل میں ذکر حسن یکتا کر دیا
چشم نرگس جائے شبنم خون روئے گی ندیم
میں نے جس دن گلستاں کا راز افشا کر دیا
قیس یہ معراج الفت ہے کہ اعجاز جنوں
نجد کے ہر ذرے کو تصویر لیلیٰ کر دیا
مدعائے دل کہوں احسانؔ کس امید پر
وہ جو چاہیں گے کریں گے اور جو چاہا کر دیا