इश्क़ हर-चंद मसाइब से परेशाँ न हुआ
न हुआ हुस्न मगर ताब-ए-फ़रमाँ न हुआ
लाख दुनिया ने ये चाहा कि परेशाँ हो मगर
मैं तिरे ग़म की हिफ़ाज़त में परेशाँ न हुआ
दिल की आवाज़ हो महरूम-ए-असर क्या मा'नी
इश्क़ काफ़िर है अगर हुस्न मुसलमाँ न हुआ
दरपय उक़्दा-ए-हस्ती है अज़ल ही से बशर
लेकिन इक ख़ाक के ज़र्रे का भी इरफ़ाँ न हुआ
दिल में हर ख़ून का क़तरा है तलातुम ब-कनार
जो मगर आँख से टपका वही तूफ़ाँ न हुआ
तो वो आज़ाद कि बे-वज्ह है मुझ से भी गुरेज़
मैं वो मजबूर कि दुश्मन से भी नालाँ न हुआ
अपनी पैग़ाम-नवाई के नताएज में मुझे
फ़िक्र-ए-ज़िंदाँ तो रहा है ग़म-ए-ज़िंदाँ न हुआ
जिस के मशरब में मोहब्बत हो मोहब्बत का जवाब
मेरी तक़दीर में ऐसा कोई इंसाँ न हुआ
एक ही जल्वे से 'एहसान' नज़र हट न सकी
मुझ से कुछ उस के सिवा कार-ए-नुमायाँ न हुआ
ishq har-chand masā.ib se pareshāñ na huā
na huā husn magar tāba-e-farmāñ na huā
laakh duniyā ne ye chāhā ki pareshāñ ho magar
maiñ tire ġham kī hifāzat meñ pareshāñ na huā
dil kī āvāz ho mahrūm-e-asar kyā ma.anī
ishq kāfir hai agar husn musalmāñ na huā
darpai uqda-e-hastī hai azal hī se bashar
lekin ik ḳhaak ke zarre kā bhī irfāñ na huā
dil meñ har ḳhuun kā qatra hai talātum ba-kanār
jo magar aañkh se Tapkā vahī tūfāñ na huā
to vo āzād ki be-vaj.h hai mujh se bhī gurez
maiñ vo majbūr ki dushman se bhī nālāñ na huā
apnī paiġhām-navā.ī ke natā.ej meñ mujhe
fikr-e-zindāñ to rahā hai ġham-e-zindāñ na huā
jis ke mashrab meñ mohabbat ho mohabbat kā javāb
merī taqdīr meñ aisā koī insāñ na huā
ek hī jalve se 'ehsān' nazar haT na sakī
mujh se kuchh us ke sivā kār-e-numāyāñ na huā
عشق ہر چند مصائب سے پریشاں نہ ہوا
نہ ہوا حسن مگر تابع فرماں نہ ہوا
لاکھ دنیا نے یہ چاہا کہ پریشاں ہو مگر
میں ترے غم کی حفاظت میں پریشاں نہ ہوا
دل کی آواز ہو محروم اثر کیا معنی
عشق کافر ہے اگر حسن مسلماں نہ ہوا
درپئے عقدۂ ہستی ہے ازل ہی سے بشر
لیکن اک خاک کے ذرے کا بھی عرفاں نہ ہوا
دل میں ہر خون کا قطرہ ہے تلاطم بکنار
جو مگر آنکھ سے ٹپکا وہی طوفاں نہ ہوا
تو وہ آزاد کہ بے وجہ ہے مجھ سے بھی گریز
میں وہ مجبور کہ دشمن سے بھی نالاں نہ ہوا
اپنی پیغام نوائی کے نتائج میں مجھے
فکر زنداں تو رہا ہے غم زنداں نہ ہوا
جس کے مشرب میں محبت ہو محبت کا جواب
میری تقدیر میں ایسا کوئی انساں نہ ہوا
ایک ہی جلوے سے احسانؔ نظر ہٹ نہ سکی
مجھ سے کچھ اس کے سوا کار نمایاں نہ ہوا