इस तरह मीर का दीवान मुझे खींचता है
गो कोई साहिब-ए-'इरफ़ान मुझे खींचता है
जिस तरफ़ कुछ भी नहीं मिलता ब-जुज़ रुस्वाई
उस तरफ़ क्यों दिल-ए-नादान मुझे खींचता है
रोज़ ख़्वाबों में किसी साहिल-ए-दरिया की तरफ़
एक भूला हुआ अरमान मुझे खींचता है
दफ़'अतन दिल से तिरी याद लिपट जाती है
और इक गोशा-ए-वीरान मुझे खींचता है
अब तो ये हाल है थक कर मैं कहीं छाओं में
बैठ जाता हूँ तो सामान मुझे खींचता है
कुछ भी मा'लूम नहीं इस के सिवा अब मुझ को
सिर्फ़ इक जादा-ए-अंजान मुझे खींचता है
चलता है मौत का साया भी मिरे साथ 'असर'
और बचने का भी इम्कान मुझे खींचता है
is tarah miir kā dīvān mujhe khīñchtā hai
go koī sāhib-e-'irfān mujhe khīñchtā hai
jis taraf kuchh bhī nahīñ miltā ba-juz rusvā.ī
us taraf kyoñ dil-e-nādān mujhe khīñchtā hai
roz ḳhvāboñ meñ kisī sāhil-e-dariyā kī taraf
ek bhūlā huā armān mujhe khīñchtā hai
daf'atan dil se tirī yaad lipaT jaatī hai
aur ik gosha-e-vīrān mujhe khīñchtā hai
ab to ye haal hai thak kar maiñ kahīñ chhāoñ meñ
baiTh jaatā huuñ to sāmān mujhe khīñchtā hai
kuchh bhī mā'lūm nahīñ is ke sivā ab mujh ko
sirf ik jāda-e-anjān mujhe khīñchtā hai
chaltā hai maut kā saaya bhī mire saath 'asar'
aur bachne kā bhī imkān mujhe khīñchtā hai
اس طرح میر کا دیوان مجھے کھینچتا ہے
گو کوئی صاحب عرفان مجھے کھینچتا ہے
جس طرف کچھ بھی نہیں ملتا بجز رسوائی
اس طرف کیوں دل نادان مجھے کھینچتا ہے
روز خوابوں میں کسی ساحل دریا کی طرف
ایک بھولا ہوا ارمان مجھے کھینچتا ہے
دفعتاً دل سے تری یاد لپٹ جاتی ہے
اور اک گوشۂ ویران مجھے کھینچتا ہے
اب تو یہ حال ہے تھک کر میں کہیں چھاؤں میں
بیٹھ جاتا ہوں تو سامان مجھے کھینچتا ہے
کچھ بھی معلوم نہیں اس کے سوا اب مجھ کو
صرف اک جادۂ انجان مجھے کھینچتا ہے
چلتا ہے موت کا سایہ بھی مرے ساتھ اثرؔ
اور بچنے کا بھی امکان مجھے کھینچتا ہے