इस शहर में निशाना-ए-क़ातिल हमी तो हैं
कुछ जाबिरों की राह में हाइल हमी तो हैं
जो बेचने चले हैं मता-ए-बहार को
उन दुश्मनों के मद्द-ए-मुक़ाबिल हमी तो हैं
गुल-कारी-ए-चमन में हमारा लहू भी है
रंगीनी-ए-बहार में शामिल हमी तो हैं
जो दौलत-ए-हुनर के तलबगार हैं अभी
ऐ रब्ब-ए-हर्फ़-ओ-सौत वसाएल हमी तो हैं
जो खो गए हैं पेच-ओ-ख़म-ए-रहगुज़ार में
उन सब के मुंतज़िर सर-ए-मंज़िल हमी तो हैं
इक उम्र से हैं हल्क़ा-ए-गिर्दाब में घिरे
ना-आश्ना-ए-क़ुर्बत-ए-साहिल हमी तो हैं
हम ही से है ये रौनक़-ए-बज़्म-ए-हयात भी
इस कारोबार-ए-वक़्त का हासिल हमी तो हैं
उस ने अता किया है ग़म-ए-दो-जहाँ हमें
उस की नवाज़िशात के क़ाबिल हमी तो हैं
हम-राहयान-ए-जादा-ए-दुनिया से क्या गिला
'शाहिद' ख़ुद अपनी ज़ात से ग़ाफ़िल हमी तो हैं
is shahr meñ nishāna-e-qātil hamī to haiñ
kuchh jābiroñ kī raah meñ haa.il hamī to haiñ
jo bechne chale haiñ matā-e-bahār ko
un dushmanoñ ke madd-e-muqābil hamī to haiñ
gul-kārī-e-chaman meñ hamārā lahū bhī hai
rañgīnī-e-bahār meñ shāmil hamī to haiñ
jo daulat-e-hunar ke talabgār haiñ abhī
ai rabb-e-harf-o-saut vasā.el hamī to haiñ
jo kho ga.e haiñ pech-o-ḳham-e-rahguzār meñ
un sab ke muntazir sar-e-manzil hamī to haiñ
ik umr se haiñ halqa-e-girdāb meñ ghire
nā-āshnā-e-qurbat-e-sāhil hamī to haiñ
ham hī se hai ye raunaq-e-bazm-e-hayāt bhī
is kārobār-e-vaqt kā hāsil hamī to haiñ
us ne atā kiyā hai ġham-e-do-jahāñ hameñ
us kī navāzishāt ke qābil hamī to haiñ
ham-rāhyān-e-jāda-e-duniyā se kyā gila
'shāhid' ḳhud apnī zaat se ġhāfil hamī to haiñ
اس شہر میں نشانۂ قاتل ہمی تو ہیں
کچھ جابروں کی راہ میں حائل ہمی تو ہیں
جو بیچنے چلے ہیں متاع بہار کو
ان دشمنوں کے مد مقابل ہمی تو ہیں
گلکاریٔ چمن میں ہمارا لہو بھی ہے
رنگینیٔ بہار میں شامل ہمی تو ہیں
جو دولت ہنر کے طلب گار ہیں ابھی
اے رب حرف و صوت وسائل ہمی تو ہیں
جو کھو گئے ہیں پیچ و خم رہ گزار میں
ان سب کے منتظر سر منزل ہمی تو ہیں
اک عمر سے ہیں حلقۂ گرداب میں گھرے
نا آشنائے قربت ساحل ہمی تو ہیں
ہم ہی سے ہے یہ رونق بزم حیات بھی
اس کاروبار وقت کا حاصل ہمی تو ہیں
اس نے عطا کیا ہے غم دو جہاں ہمیں
اس کی نوازشات کے قابل ہمی تو ہیں
ہمراہیان جادۂ دنیا سے کیا گلہ
شاہدؔ خود اپنی ذات سے غافل ہمی تو ہیں