इस में कोई फ़रेब तो ऐ आसमाँ नहीं
बिजली वहाँ गिरी है जहाँ आशियाँ नहीं
सय्याद मैं असीर कहूँ किस से हाल-ए-दिल
सिर्फ़ एक तू है वो भी मिरा हम-ज़बाँ नहीं
तुम ने दिया हमारी वफ़ाओं का क्या जवाब
ये हम वहाँ बताएँगे तुम को यहाँ नहीं
सज्दे जो बुत-कदे में किए मेरी क्या ख़ता
तुम ने कभी कहा ये मिरा आस्ताँ नहीं
गुम-कर्दा राह की कहीं मिट्टी न हो ख़राब
गर्द उस तरफ़ उड़ी है जिधर कारवाँ नहीं
क्यूँ शम्-ए-इंतिज़ार बुझाते हो ऐ 'क़मर'
नाले हैं ये किसी के सहर की अज़ाँ नहीं
is meñ koī fareb to ai āsmāñ nahīñ
bijlī vahāñ girī hai jahāñ āshiyāñ nahīñ
sayyād maiñ asiir kahūñ kis se hāl-e-dil
sirf ek tū hai vo bhī mirā ham-zabāñ nahīñ
tum ne diyā hamārī vafāoñ kā kyā javāb
ye ham vahāñ batā.eñge tum ko yahāñ nahīñ
sajde jo but-kade meñ kiye merī kyā ḳhatā
tum ne kabhī kahā ye mirā āstāñ nahīñ
gum-karda raah kī kahīñ miTTī na ho ḳharāb
gard us taraf uḌī hai jidhar kārvāñ nahīñ
kyuuñ sham-e-intizār bujhāte ho ai 'qamar'
naale haiñ ye kisī ke sahar kī azaañ nahīñ
اس میں کوئی فریب تو اے آسماں نہیں
بجلی وہاں گری ہے جہاں آشیاں نہیں
صیاد میں اسیر کہوں کس سے حال دل
صرف ایک تو ہے وہ بھی مرا ہم زباں نہیں
تم نے دیا ہماری وفاؤں کا کیا جواب
یہ ہم وہاں بتائیں گے تم کو یہاں نہیں
سجدے جو بت کدے میں کئے میری کیا خطا
تم نے کبھی کہا یہ مرا آستاں نہیں
گم کردہ راہ کی کہیں مٹی نہ ہو خراب
گرد اس طرف اڑی ہے جدھر کارواں نہیں
کیوں شمع انتظار بجھاتے ہو اے قمرؔ
نالے ہیں یہ کسی کے سحر کی اذاں نہیں