इरादा हो अटल तो मोजज़ा ऐसा भी होता है
दिए को ज़िंदा रखती है हवा ऐसा भी होता है
सुनाई दे न ख़ुद अपनी सदा ऐसा भी होता है
मियाँ तंहाई का इक सानेहा ऐसा भी होता है
छिड़े हैं तार दिल के ख़ाना-बर्बादी के नग़्मे हैं
हमारे घर में साहिब रत-जगा ऐसा भी होता है
बहुत हस्सास होने से भी शक को राह मिलती है
कहीं अच्छा तो लगता है बुरा ऐसा भी होता है
किसी मासूम बच्चे के तबस्सुम में उतर जाओ
तो शायद ये समझ पाओ ख़ुदा ऐसा भी होता है
ज़बाँ पर आ गए छाले मगर ये तो खुला हम पर
बहुत मीठे फलों का ज़ाइक़ा ऐसा भी होता है
irāda ho aTal to mo.ajaza aisā bhī hotā hai
diye ko zinda rakhtī hai havā aisā bhī hotā hai
sunā.ī de na ḳhud apnī sadā aisā bhī hotā hai
miyāñ tanhā.ī kā ik sāneha aisā bhī hotā hai
chhiḌe haiñ taar dil ke ḳhāna-barbādī ke naġhme haiñ
hamāre ghar meñ sāhib rat-jagā aisā bhī hotā hai
bahut hassās hone se bhī shak ko raah miltī hai
kahīñ achchhā to lagtā hai burā aisā bhī hotā hai
kisī ma.asūm bachche ke tabassum meñ utar jaao
to shāyad ye samajh paao ḳhudā aisā bhī hotā hai
zabāñ par aa ga.e chhāle magar ye to khulā ham par
bahut mīThe phaloñ kā zā.iqa aisā bhī hotā hai
ارادہ ہو اٹل تو معجزہ ایسا بھی ہوتا ہے
دیے کو زندہ رکھتی ہے ہوا ایسا بھی ہوتا ہے
سنائی دے نہ خود اپنی صدا ایسا بھی ہوتا ہے
میاں تنہائی کا اک سانحہ ایسا بھی ہوتا ہے
چھڑے ہیں تار دل کے خانہ بربادی کے نغمے ہیں
ہمارے گھر میں صاحب رت جگا ایسا بھی ہوتا ہے
بہت حساس ہونے سے بھی شک کو راہ ملتی ہے
کہیں اچھا تو لگتا ہے برا ایسا بھی ہوتا ہے
کسی معصوم بچے کے تبسم میں اتر جاؤ
تو شاید یہ سمجھ پاؤ خدا ایسا بھی ہوتا ہے
زباں پر آ گئے چھالے مگر یہ تو کھلا ہم پر
بہت میٹھے پھلوں کا ذائقہ ایسا بھی ہوتا ہے