इन के रुख़ पर हिजाब रहता है
जैसे मह पर सहाब रहता है
वस्ल का जब सवाल हो उन से
बस ''नहीं'' में जवाब रहता है
पास रह कर भी दरमियाँ अपने
फ़ासला बे-हिसाब रहता है
हुस्न वालों से जो वफ़ा चाहे
उस का ख़ाना ख़राब रहता है
हम-सफ़र सोहनी सी हो कोई
मेरे ख़ूँ में चनाब रहता है
मिस्ल-ए-ताएर हवा में उड़ता हूँ
मेरी आँखों में ख़्वाब रहता है
रेग-ए-सहरा उन्हें निगलती है
जिन की रह में सराब रहता है
माँ की जिस को दुआएँ मिल जाएँ
उम्र भर कामयाब रहता है
जाने किस ख़ाक से बना हूँ मैं
रूह में इज़्तिराब रहता है
उलझे रिश्तों की तल्ख़ उलझन में
उलझा उलझा 'सहाब' रहता है
in ke ruḳh par hijāb rahtā hai
jaise mah par sahāb rahtā hai
vasl kā jab savāl ho un se
bas ''nahīñ'' meñ javāb rahtā hai
paas rah kar bhī darmiyāñ apne
fāsla be-hisāb rahtā hai
husn vāloñ se jo vafā chāhe
us kā ḳhāna ḳharāb rahtā hai
ham-safar sohnī sī ho koī
mere ḳhuuñ meñ chanāb rahtā hai
misl-e-tā.er havā meñ uḌtā huuñ
merī āñkhoñ meñ ḳhvāb rahtā hai
reg-e-sahrā unheñ nigaltī hai
jin kī rah meñ sarāb rahtā hai
maañ kī jis ko duā.eñ mil jaa.eñ
umr bhar kāmyāb rahtā hai
jaane kis ḳhaak se banā huuñ maiñ
ruuh meñ iztirāb rahtā hai
uljhe rishtoñ kī talḳh uljhan meñ
uljhā uljhā 'sahāb' rahtā hai
ان کے رخ پر حجاب رہتا ہے
جیسے مہ پر سحاب رہتا ہے
وصل کا جب سوال ہو ان سے
بس ''نہیں'' میں جواب رہتا ہے
پاس رہ کر بھی درمیاں اپنے
فاصلہ بے حساب رہتا ہے
حسن والوں سے جو وفا چاہے
اس کا خانہ خراب رہتا ہے
ہم سفر سوہنی سی ہو کوئی
میرے خوں میں چناب رہتا ہے
مثل طائر ہوا میں اڑتا ہوں
میری آنکھوں میں خواب رہتا ہے
ریگ صحرا انہیں نگلتی ہے
جن کی رہ میں سراب رہتا ہے
ماں کی جس کو دعائیں مل جائیں
عمر بھر کامیاب رہتا ہے
جانے کس خاک سے بنا ہوں میں
روح میں اضطراب رہتا ہے
الجھے رشتوں کی تلخ الجھن میں
الجھا الجھا سحابؔ رہتا ہے