इन दिनों मैं ग़ुर्बतों की शाम के मंज़र में हूँ
मेरी छत टूटी पड़ी है दूसरों के घर में हूँ
आएगा इक दिन मिरे उड़ने का मौसम आएगा
बस इसी उम्मीद पर मैं अपने बाल-ओ-पर में हूँ
जिस्म की रानाइयों में ढूँडते हो तुम मुझे
और मैं कब से तुम्हारी रूह के पैकर में हूँ
देखते हैं सब नज़र आती हुईं ऊँचाइयाँ
कौन देखेगा मुझे बुनियाद के पत्थर में हूँ
आप क्या रोकेंगे इज़हार-ए-सदाक़त से मुझे
आप को दुनिया का डर है मैं ख़ुदा के डर में हूँ
ऐ ज़माने कल मिरी ठोकर से बचना है तुझे
इत्तिफ़ाक़न आज वैसे मैं तिरी ठोकर में हूँ
मौत बन जाऊँगा तेरी ऐ सितमगर देखना
मुझ पे जो ख़ंजर उठेगा मैं उसी ख़ंजर में हूँ
नफ़रतों की इक दहकती आग है चारों तरफ़
मैं फ़साद-ए-शहर के जलते हुए मंज़र में हूँ
सोचता हूँ ये भी कैसी बद-नसीबी है 'ज़फ़र'
मैं बहादुर हो के भी हारे हुए लश्कर में हूँ
in dinoñ maiñ ġhurbatoñ kī shaam ke manzar meñ huuñ
merī chhat TuuTī paḌī hai dūsroñ ke ghar meñ huuñ
aa.egā ik din mire uḌne kā mausam aa.egā
bas isī ummīd par maiñ apne bāl-o-par meñ huuñ
jism kī ra.anā.iyoñ meñ DhūñDte ho tum mujhe
aur maiñ kab se tumhārī ruuh ke paikar meñ huuñ
dekhte haiñ sab nazar aatī huiiñ ūñchā.iyāñ
kaun dekhegā mujhe buniyād ke patthar meñ huuñ
aap kyā rokeñgi iz.hār-e-sadāqat se mujhe
aap ko duniyā kā Dar hai maiñ ḳhudā ke Dar meñ huuñ
ai zamāne kal mirī Thokar se bachnā hai tujhe
ittifāqan aaj vaise maiñ tirī Thokar meñ huuñ
maut ban jā.ūñgā terī ai sitamgar dekhnā
mujh pe jo ḳhanjar uThegā maiñ usī ḳhanjar meñ huuñ
nafratoñ kī ik dahaktī aag hai chāroñ taraf
maiñ fasād-e-shahr ke jalte hue manzar meñ huuñ
sochtā huuñ ye bhī kaisī bad-nasībī hai 'zafar'
maiñ bahādur ho ke bhī haare hue lashkar meñ huuñ
ان دنوں میں غربتوں کی شام کے منظر میں ہوں
میری چھت ٹوٹی پڑی ہے دوسروں کے گھر میں ہوں
آئے گا اک دن مرے اڑنے کا موسم آئے گا
بس اسی امید پر میں اپنے بال و پر میں ہوں
جسم کی رعنائیوں میں ڈھونڈتے ہو تم مجھے
اور میں کب سے تمہاری روح کے پیکر میں ہوں
دیکھتے ہیں سب نظر آتی ہوئیں اونچائیاں
کون دیکھے گا مجھے بنیاد کے پتھر میں ہوں
آپ کیا روکیں گے اظہار صداقت سے مجھے
آپ کو دنیا کا ڈر ہے میں خدا کے ڈر میں ہوں
اے زمانے کل مری ٹھوکر سے بچنا ہے تجھے
اتفاقاً آج ویسے میں تری ٹھوکر میں ہوں
موت بن جاؤں گا تیری اے ستم گر دیکھنا
مجھ پہ جو خنجر اٹھے گا میں اسی خنجر میں ہوں
نفرتوں کی اک دہکتی آگ ہے چاروں طرف
میں فساد شہر کے جلتے ہوئے منظر میں ہوں
سوچتا ہوں یہ بھی کیسی بد نصیبی ہے ظفرؔ
میں بہادر ہو کے بھی ہارے ہوئے لشکر میں ہوں