हो चुकी हिजरत तो फिर क्या फ़र्ज़ है घर देखना
अपनी फ़ितरत में नहीं पीछे पलट कर देखना
अब वो बरगद है न वो पनघट न अब वो गोपियाँ
ऐसे पस-मंज़र में क्या गाँव का मंज़र देखना
जादा-ए-गुल की मसाफ़त ही नहीं है ज़िंदगी
ज़िंदगी करना है अँगारों पे चल कर देखना
अपने मुख़्लिस दोस्तों पर वार मैं कैसे करूँ
कोई दुश्मन सामने आए तो जौहर देखना
प्यास होंटों पर लिए बैठा हूँ साहिल पर मगर
ज़िद पे आ जाऊँ तो कूज़े में समुंदर देखना
खिड़कियाँ खुलते ही हम होंगे निशाना वक़्त का
ज़ख़्म सीने पर सजाना हो तो बाहर देखना
मेरे हाथों की लकीरों में है गर्दिश वक़्त की
मेरी क़िस्मत ही में लिक्खा था ये चक्कर देखना
ज़िंदगी भर ठोकरें खाने से बेहतर है 'ज़फ़र'
रास्ता चलते हुए रस्ते के पत्थर देखना
ho chukī hijrat to phir kyā farz hai ghar dekhnā
apnī fitrat meñ nahīñ pīchhe palaT kar dekhnā
ab vo bargad hai na vo panghaT na ab vo gopiyāñ
aise pas-manzar meñ kyā gaañv kā manzar dekhnā
jāda-e-gul kī masāfat hī nahīñ hai zindagī
zindagī karnā hai añgāroñ pe chal kar dekhnā
apne muḳhlis dostoñ par vaar maiñ kaise karūñ
koī dushman sāmne aa.e to jauhar dekhnā
pyaas hoñToñ par liye baiThā huuñ sāhil par magar
zid pe aa jā.ūñ to kuuze meñ samundar dekhnā
khiḌkiyāñ khulte hī ham hoñge nishāna vaqt kā
zaḳhm siine par sajānā ho to bāhar dekhnā
mere hāthoñ kī lakīroñ meñ hai gardish vaqt kī
merī qismat hī meñ likkhā thā ye chakkar dekhnā
zindagī bhar Thokareñ khāne se behtar hai 'zafar'
rāsta chalte hue raste ke patthar dekhnā
ہو چکی ہجرت تو پھر کیا فرض ہے گھر دیکھنا
اپنی فطرت میں نہیں پیچھے پلٹ کر دیکھنا
اب وہ برگد ہے نہ وہ پنگھٹ نہ اب وہ گوپیاں
ایسے پس منظر میں کیا گاؤں کا منظر دیکھنا
جادۂ گل کی مسافت ہی نہیں ہے زندگی
زندگی کرنا ہے انگاروں پہ چل کر دیکھنا
اپنے مخلص دوستوں پر وار میں کیسے کروں
کوئی دشمن سامنے آئے تو جوہر دیکھنا
پیاس ہونٹوں پر لیے بیٹھا ہوں ساحل پر مگر
ضد پہ آ جاؤں تو کوزے میں سمندر دیکھنا
کھڑکیاں کھلتے ہی ہم ہوں گے نشانہ وقت کا
زخم سینے پر سجانا ہو تو باہر دیکھنا
میرے ہاتھوں کی لکیروں میں ہے گردش وقت کی
میری قسمت ہی میں لکھا تھا یہ چکر دیکھنا
زندگی بھر ٹھوکریں کھانے سے بہتر ہے ظفرؔ
راستہ چلتے ہوئے رستے کے پتھر دیکھنا