इम्तियाज़-ए-बेश-ओ-कम से दूर है
दिल मोहब्बत के नशे में चूर है
ग़म उठा कर भी बड़ा मसरूर है
किस क़दर सादा दिल-ए-रंजूर है
एक मुश्त-ए-ख़ाक है उस का वजूद
आदमी किस बात पर मग़रूर है
उस के आगे एक भी चलती नहीं
दिल के हाथों हर कोई मजबूर है
हुस्न को गो नाज़ है ख़ुद पर मगर
इश्क़ भी अपनी जगह मग़रूर है
हज़रत-ए-'आसी' की बाबत क्या कहें
शाइ'र अच्छा है मगर मग़रूर है
imtiyāz-e-besh-o-kam se duur hai
dil mohabbat ke nashe meñ chuur hai
ġham uThā kar bhī baḌā masrūr hai
kis qadar saada dil-e-ranjūr hai
ek musht-e-ḳhāk hai us kā vajūd
aadmī kis baat par maġhrūr hai
us ke aage ek bhī chaltī nahīñ
dil ke hāthoñ har koī majbūr hai
husn ko go naaz hai ḳhud par magar
ishq bhī apnī jagah maġhrūr hai
hazrat-e-'āsī' kī bābat kyā kaheñ
shā.ir achchhā hai magar maġhrūr hai
امتیاز بیش و کم سے دور ہے
دل محبت کے نشے میں چور ہے
غم اٹھا کر بھی بڑا مسرور ہے
کس قدر سادہ دل رنجور ہے
ایک مشت خاک ہے اس کا وجود
آدمی کس بات پر مغرور ہے
اس کے آگے ایک بھی چلتی نہیں
دل کے ہاتھوں ہر کوئی مجبور ہے
حسن کو گو ناز ہے خود پر مگر
عشق بھی اپنی جگہ مغرور ہے
حضرت عاصیؔ کی بابت کیا کہیں
شاعر اچھا ہے مگر مغرور ہے