इक क़बीले से हैं लेकिन रंग-ओ-नक़्शा और है
और है काँटों की दुनिया गुल की दुनिया और है
इश्तिराक-ए-फ़िक्र हो कैसे हमारे दरमियाँ
तेरी ख़्वाहिश और है मेरी तमन्ना और है
और ही मंज़र है दुनिया का सर-ए-तूर-ए-नज़र
चश्म-ए-दिल के सामने लेकिन तमाशा और है
आरज़ू के बहर-ओ-दरिया की कहानी क्या कहूँ
इस का साहिल और है इस का किनारा और है
देखना तूफ़ान में घिर कर न रह जाए कहीं
नाख़ुदा ये आरज़ुओं का सफ़ीना और है
अब बदलना ही पड़ेगा ये तरीक़-ए-ज़िंदगी
अब मिरी जाँ सूरत-ए-हालात-ए-दुनिया और है
दुश्मनों का हाथ इस में है न यारों का क़ुसूर
इन्क़िता-ए-दोस्ती का शाख़साना और है
ज़िंदगी के मोड़ पर 'शाहिद' मिलें फिर किस तरह
उस का रस्ता मुख़्तलिफ़ है मेरा रस्ता और है
ik qabīle se haiñ lekin rañg-o-naqsha aur hai
aur hai kāñToñ kī duniyā gul kī duniyā aur hai
ishtirāk-e-fikr ho kaise hamāre darmiyāñ
terī ḳhvāhish aur hai merī tamannā aur hai
aur hī manzar hai duniyā kā sar-e-tūr-e-nazar
chashm-e-dil ke sāmne lekin tamāshā aur hai
aarzū ke bahr-o-dariyā kī kahānī kyā kahūñ
is kā sāhil aur hai is kā kinārā aur hai
dekhnā tūfān meñ ghir kar na rah jaa.e kahīñ
nāḳhudā ye ārzūoñ kā safīna aur hai
ab badalnā hī paḌegā ye tarīq-e-zindagī
ab mirī jaañ sūrat-e-hālāt-e-duniyā aur hai
dushmanoñ kā haath is meñ hai na yāroñ kā qusūr
inqitā-e-dostī kā shāḳhsāna aur hai
zindagī ke moḌ par 'shāhid' mileñ phir kis tarah
us kā rasta muḳhtalif hai merā rasta aur hai
اک قبیلے سے ہیں لیکن رنگ و نقشہ اور ہے
اور ہے کانٹوں کی دنیا گل کی دنیا اور ہے
اشتراک فکر ہو کیسے ہمارے درمیاں
تیری خواہش اور ہے میری تمنا اور ہے
اور ہی منظر ہے دنیا کا سر طور نظر
چشم دل کے سامنے لیکن تماشا اور ہے
آرزو کے بحر و دریا کی کہانی کیا کہوں
اس کا ساحل اور ہے اس کا کنارا اور ہے
دیکھنا طوفان میں گھر کر نہ رہ جائے کہیں
ناخدا یہ آرزؤں کا سفینہ اور ہے
اب بدلنا ہی پڑے گا یہ طریق زندگی
اب مری جاں صورت حالات دنیا اور ہے
دشمنوں کا ہاتھ اس میں ہے نہ یاروں کا قصور
انقطاع دوستی کا شاخسانہ اور ہے
زندگی کے موڑ پر شاہدؔ ملیں پھر کس طرح
اس کا رستہ مختلف ہے میرا رستہ اور ہے