हुस्न पर ज़ेबा नहीं ये लन-तरानी आप की
चार दिन की चाँदनी है नौजवानी आप की
हम भी कुछ मुँह से जो कह बैठें तो फिर कितनी रहे
देखिए अच्छी नहीं ये बद-ज़बानी आप की
कुछ समझ में हाल ये आता नहीं हैरान हूँ
आज है कैसी ये मुझ पर मेहरबानी आप की
बाज़ आए हम ये अपना-आप छल्ला लीजिए
हर किसी के हाथ में है अब निशानी आप की
राह में भी देख कर मुँह फेर लेते हैं हुज़ूर
आज कल है किस क़दर ना-मेहरबानी आप की
दो घड़ी इक रंग पर क़ाएम नहीं हुस्न-ए-शबाब
क्या मुसव्विर खींचे तस्वीर-ए-जवानी आप की
आब-ए-हैवाँ है कहीं ज़हर-ए-हलाहल है कहीं
तल्ख़-गोई आप की शीरीं-ज़बानी आप की
ख़्वाब में हम को न आने देते तो हम जानते
की रक़ीबों ने ये कैसी पासबानी आप की
अपने मरने का नहीं ग़म रंज है इस बात का
आज उँगली से उतरती है निशानी आप की
हाल-ए-दिल सुनते नहीं ये कह के ख़ुश कर देते हैं
फिर कभी फ़ुर्सत में सुन लेंगे कहानी आप की
हम को ये दौलत कभी मिलती तो हम भी जानते
होगी जिस के वास्ते होगी जवानी आप की
husn par zebā nahīñ ye lan-tarānī aap kī
chaar din kī chāñdnī hai naujavānī aap kī
ham bhī kuchh muñh se jo kah baiTheñ to phir kitnī rahe
dekhiye achchhī nahīñ ye bad-zabānī aap kī
kuchh samajh meñ haal ye aatā nahīñ hairān huuñ
aaj hai kaisī ye mujh par mehrbānī aap kī
baaz aa.e ham ye apnā-āp chhallā lījiye
har kisī ke haath meñ hai ab nishānī aap kī
raah meñ bhī dekh kar muñh pher lete haiñ huzūr
aaj kal hai kis qadar nā-mehrbānī aap kī
do ghaḌī ik rañg par qaa.em nahīñ husn-e-shabāb
kyā musavvir khīñche tasvīr-e-javānī aap kī
āb-e-haivāñ hai kahīñ zahr-e-halāhal hai kahīñ
talḳh-goī aap kī shīrīñ-zabānī aap kī
ḳhvāb meñ ham ko na aane dete to ham jānte
kī raqīboñ ne ye kaisī pāsbānī aap kī
apne marne kā nahīñ ġham rañj hai is baat kā
aaj uñglī se utartī hai nishānī aap kī
hāl-e-dil sunte nahīñ ye kah ke ḳhush kar dete haiñ
phir kabhī fursat meñ sun leñge kahānī aap kī
ham ko ye daulat kabhī miltī to ham bhī jānte
hogī jis ke vāste hogī javānī aap kī
حسن پر زیبا نہیں یہ لن ترانی آپ کی
چار دن کی چاندنی ہے نوجوانی آپ کی
ہم بھی کچھ منہ سے جو کہہ بیٹھیں تو پھر کتنی رہے
دیکھیے اچھی نہیں یہ بد زبانی آپ کی
کچھ سمجھ میں حال یہ آتا نہیں حیران ہوں
آج ہے کیسی یہ مجھ پر مہربانی آپ کی
باز آئے ہم یہ اپنا آپ چھلا لیجیے
ہر کسی کے ہاتھ میں ہے اب نشانی آپ کی
راہ میں بھی دیکھ کر منہ پھیر لیتے ہیں حضور
آج کل ہے کس قدر نامہربانی آپ کی
دو گھڑی اک رنگ پر قائم نہیں حسن شباب
کیا مصور کھینچے تصویر جوانی آپ کی
آب حیواں ہے کہیں زہر ہلاہل ہے کہیں
تلخ گوئی آپ کی شیری زبانی آپ کی
خواب میں ہم کو نہ آنے دیتے تو ہم جانتے
کی رقیبوں نے یہ کیسی پاسبانی آپ کی
اپنے مرنے کا نہیں غم رنج ہے اس بات کا
آج انگلی سے اترتی ہے نشانی آپ کی
حال دل سنتے نہیں یہ کہہ کے خوش کر دیتے ہیں
پھر کبھی فرصت میں سن لیں گے کہانی آپ کی
ہم کو یہ دولت کبھی ملتی تو ہم بھی جانتے
ہوگی جس کے واسطے ہوگی جوانی آپ کی