हुजूम-ए-रंज से दिल को मसर्रत होती जाती है
कि मुझ पर आइना अपनी हक़ीक़त होती जाती है
ये किस ता'मीर-ए-नाक़िस की भरी जाती हैं बुनियादें
कि दुनिया बे-चराग़-ए-आदमियत होती जाती है
वो बे-पर्दा हरीम-ए-शाइ'री में आते जाते हैं
मुरत्तब मेरी तारीख़-ए-मोहब्बत होती जाती है
मैं जितना उन के अस्बाब-ए-जफ़ा पर ग़ौर करता हूँ
मुझे अपनी वफ़ाओं पर नदामत होती जाती है
ब-ईं हालात-ए-मायूसी ब-ईं औसाफ़-ए-महरूमी
मोहब्बत है कि मुहताज-ए-मोहब्बत होती जाती है
ज़बाँ सी लें तिरे कहने से लेकिन इस को क्या कीजे
शिकायत जब नहीं होती हिकायत होती जाती है
है मेरा 'इश्क़ यक दर-गीर मोहकम-गीर से बाला
मिरी नज़रों में दुनिया ख़ूबसूरत होती जाती है
अरे तौबा गुनाहों के सियह-ख़्वाबों से बेदारी
कि आँखें खुलती जाती हैं नदामत होती जाती है
यूँही तज्दीद-ए-पैमान-ए-वफ़ा कीजे मिरे हम-दम
बड़ी आसान तशरीह-ए-मोहब्बत होती जाती है
मोहब्बत रफ़्ता रफ़्ता ढल रही है वज़'-दारी में
ये किस रफ़्तार से बरपा क़यामत होती जाती है
जिसे तस्वीर कहना कुफ़्र है आईन-ए-उल्फ़त में
वही तनवीर मा'बूद-ए-मोहब्बत होती जाती है
मआल-ए-रंज-ओ-राहत देखता जाता है दिल जितना
तमन्ना मावरा-ए-रंज-ओ-राहत होती जाती है
न हो मेरे न तुम मुझ को किसी का होने देते हो
क़यामत क्या ये बाला-ए-क़यामत होती जाती है
बेहम-दिल्लाह मैं 'एहसान' इस मंज़िल पे आ पहुँचा
मुसीबत जब नहीं होती मुसीबत होती जाती है
hujūm-e-ranj se dil ko masarrat hotī jaatī hai
ki mujh par aa.ina apnī haqīqat hotī jaatī hai
ye kis tā'mīr-e-nāqis kī bharī jaatī haiñ buniyādeñ
ki duniyā be-charāġh-e-ādmiyat hotī jaatī hai
vo be-parda harīm-e-shā.irī meñ aate jaate haiñ
murattab merī tārīḳh-e-mohabbat hotī jaatī hai
maiñ jitnā un ke asbāb-e-jafā par ġhaur kartā huuñ
mujhe apnī vafāoñ par nadāmat hotī jaatī hai
ba-īñ hālāt-e-māyūsī ba-īñ ausāf-e-mahrūmī
mohabbat hai ki muhtāj-e-mohabbat hotī jaatī hai
zabāñ sī leñ tire kahne se lekin is ko kyā kiije
shikāyat jab nahīñ hotī hikāyat hotī jaatī hai
hai merā 'ishq yak dar-gīr mohkam-gīr se baalā
mirī nazroñ meñ duniyā ḳhūbsūrat hotī jaatī hai
are tauba gunāhoñ ke siyah-ḳhvāboñ se bedārī
ki āñkheñ khultī jaatī haiñ nadāmat hotī jaatī hai
yūñhī tajdīd-e-paimān-e-vafā kiije mire ham-dam
baḌī āsān tashrīh-e-mohabbat hotī jaatī hai
mohabbat rafta rafta Dhal rahī hai vaz'-dārī meñ
ye kis raftār se barpā qayāmat hotī jaatī hai
jise tasvīr kahnā kufr hai ā.īn-e-ulfat meñ
vahī tanvīr mā'būd-e-mohabbat hotī jaatī hai
ma.āl-e-ranj-o-rāhat dekhtā jaatā hai dil jitnā
tamannā tamannā-e-ranj-o-rāhat hotī jaatī hai
na ho mere na tum mujh ko kisī kā hone dete ho
qayāmat kyā ye bālā-e-qayāmat hotī jaatī hai
beham-dillāh maiñ 'ehsān' is manzil pe aa pahuñchā
musībat jab nahīñ hotī musībat hotī jaatī hai
ہجوم رنج سے دل کو مسرت ہوتی جاتی ہے
کہ مجھ پر آئنہ اپنی حقیقت ہوتی جاتی ہے
یہ کس تعمیر ناقص کی بھری جاتی ہیں بنیادیں
کہ دنیا بے چراغ آدمیت ہوتی جاتی ہے
وہ بے پردہ حریم شاعری میں آتے جاتے ہیں
مرتب میری تاریخ محبت ہوتی جاتی ہے
میں جتنا ان کے اسباب جفا پر غور کرتا ہوں
مجھے اپنی وفاؤں پر ندامت ہوتی جاتی ہے
بہ ایں حالات مایوسی بہ ایں اوصاف محرومی
محبت ہے کہ محتاج محبت ہوتی جاتی ہے
زباں سی لیں ترے کہنے سے لیکن اس کو کیا کیجے
شکایت جب نہیں ہوتی حکایت ہوتی جاتی ہے
ہے میرا عشق یک در گیر محکم گیر سے بالا
مری نظروں میں دنیا خوب صورت ہوتی جاتی ہے
ارے توبہ گناہوں کے سیہ خوابوں سے بیداری
کہ آنکھیں کھلتی جاتی ہیں ندامت ہوتی جاتی ہے
یوں ہی تجدید پیمان وفا کیجے مرے ہم دم
بڑی آسان تشریح محبت ہوتی جاتی ہے
محبت رفتہ رفتہ ڈھل رہی ہے وضع داری میں
یہ کس رفتار سے برپا قیامت ہوتی جاتی ہے
جسے تصویر کہنا کفر ہے آئین الفت میں
وہی تنویر معبود محبت ہوتی جاتی ہے
مآل رنج و راحت دیکھتا جاتا ہے دل جتنا
تمنا ماورائے رنج و راحت ہوتی جاتی ہے
نہ ہو میرے نہ تم مجھ کو کسی کا ہونے دیتے ہو
قیامت کیا یہ بالائے قیامت ہوتی جاتی ہے
بحمد اللہ میں احسانؔ اس منزل پہ آ پہنچا
مصیبت جب نہیں ہوتی مصیبت ہوتی جاتی ہے