हुए ख़ल्क़ जब से जहाँ में हम हवस-ए-नज़ारा-ए-यार है
ठहर ऐ अजल कि वो आएँगे दम-ए-वापसीं का क़रार है
रहें महव क्यूँ न हर एक दम कि नज़र में जल्वा-ए-यार है
दिल-ए-मुंतज़िर है जो आइना तो ख़याल आइना-दार है
ये ख़ता-ए-इश्क़ की दी सज़ा कि मिज़ा से मर्दुम-ए-चश्म ने
मिरा दिल दिखा के ये कह दिया इसे लो ये क़ाबिल-ए-दार है
ये ख़ुदा ही जाने वो कौन था जो शहीद-ए-नाज़-ओ-अदा हुआ
कि उड़ी है ख़ाक-ए-रह-ए-सनम तो ख़िज़ाँ में रंग-ए-बहार है
हुईं तर्क सारी मोहब्बतें मिरे सर पे ढाई हैं आफ़तें
यही दिल के लेने में शर्त थी यही मुझ से क़ौल-ओ-क़रार है
ये जुनूँ की देखिए पुख़्तगी जो कभी किसी ने न हो सुनी
मिरे पैरहन का जो तार है वो हर एक रेशा-ए-ख़ार है
कोई दिल की निकली न आरज़ू हुआ रंज-ओ-ग़म से जिगर लहू
फिरे ख़ाक छानते कू-ब-कू न तो सब्र है न क़रार है
पस-ए-मर्ग भी हैं वही सितम हैं जफ़ाएँ रूह पे दम-ब-दम
इधर आते आते वो फिर गए जो सुना कि मेरा मज़ार है
मिरे सीने को न हदफ़ करो तपिश-ए-जिगर से डरे रहो
पर-ए-मुर्ग़-ए-तीर न जल उठें कि लहू ब-रंग-ए-शरार है
वो ख़ुशी दिखाई न चर्ख़ ने कि एवज़ में जिस के न ग़म दिए
कभी फ़र्श-ए-गुल है जो एक शब तो महीनों बिस्तर-ए-ख़ार है
जिसे दर्द-ए-नाला-ओ-आह है जो शहीद-ए-तेग़-ए-निगाह है
शब-ए-हिज्र उस की गवाह है वो 'हबीब'-ए-सीना-फ़िगार है
hue ḳhalq jab se jahāñ meñ ham havas-e-nazāra-e-yār hai
Thahar ai ajal ki vo ā.eñge dam-e-vāpsīñ kā qarār hai
raheñ mahv kyuuñ na har ek dam ki nazar meñ jalva-e-yār hai
dil-e-muntazir hai jo aa.ina to ḳhayāl ā.ina-dār hai
ye ḳhatā-e-ishq kī dī sazā ki mizha se mardum-e-chashm ne
mirā dil dikhā ke ye kah diyā ise lo ye qābil-e-dār hai
ye ḳhudā hī jaane vo kaun thā jo shahīd-e-nāz-o-adā huā
ki uḌī hai ḳhāk-e-rah-e-sanam to ḳhizāñ meñ rañg-e-bahār hai
huiiñ tark saarī mohabbateñ mire sar pe Dhaa.ī haiñ āfateñ
yahī dil ke lene meñ shart thī yahī mujh se qaul-o-qarār hai
ye junūñ kī dekhiye puḳhtagī jo kabhī kisī ne na ho sunī
mire pairahan kā jo taar hai vo har ek resha-e-ḳhār hai
koī dil kī niklī na aarzū huā ranj-o-ġham se jigar lahū
phire ḳhaak chhānte kū-ba-kū na to sabr hai na qarār hai
pas-e-marg bhī haiñ vahī sitam haiñ jafā.eñ ruuh pe dam-ba-dam
idhar aate aate vo phir ga.e jo sunā ki merā mazār hai
mire siine ko na hadaf karo tapish-e-jigar se Dare raho
par-e-murġh-e-tīr na jal uTheñ ki lahū ba-rañg-e-sharār hai
vo ḳhushī dikhā.ī na charḳh ne ki evaz meñ jis ke na ġham diye
kabhī farsh-e-gul hai jo ek shab to mahīnoñ bistar-e-ḳhār hai
jise dard-e-nāla-o-āh hai jo shahīd-e-teġh-e-nigāh hai
shab-e-hijr us kī gavāh hai vo 'habīb'-e-sīna-figār hai
ہوے خلق جب سے جہاں میں ہم ہوس نظارۂ یار ہے
ٹھہر اے اجل کہ وہ آئیں گے دم واپسیں کا قرار ہے
رہیں محو کیوں نہ ہر ایک دم کہ نظر میں جلوۂ یار ہے
دل منتظر ہے جو آئنہ تو خیال آئنہ دار ہے
یہ خطائے عشق کی دی سزا کہ مژہ سے مردم چشم نے
مرا دل دکھا کے یہ کہہ دیا اسے لو یہ قابل دار ہے
یہ خدا ہی جانے وہ کون تھا جو شہید ناز و ادا ہوا
کہ اڑی ہے خاک رہ صنم تو خزاں میں رنگ بہار ہے
ہوئیں ترک ساری محبتیں مرے سر پہ ڈھائی ہیں آفتیں
یہی دل کے لینے میں شرط تھی یہی مجھ سے قول و قرار ہے
یہ جنوں کی دیکھیے پختگی جو کبھی کسی نے نہ ہو سنی
مرے پیرہن کا جو تار ہے وہ ہر ایک ریشۂ خار ہے
کوئی دل کی نکلی نہ آرزو ہوا رنج و غم سے جگر لہو
پھرے خاک چھانتے کو بہ کو نہ تو صبر ہے نہ قرار ہے
پس مرگ بھی ہیں وہی ستم ہیں جفائیں روح پہ دم بدم
ادھر آتے آتے وہ پھر گئے جو سنا کہ میرا مزار ہے
مرے سینہ کو نہ ہدف کرو تپش جگر سے ڈرے رہو
پر مرغ تیر نہ جل اٹھیں کہ لہو برنگ شرار ہے
وہ خوشی دکھائی نہ چرخ نے کہ عوض میں جس کے نہ غم دئے
کبھی فرش گل ہے جو ایک شب تو مہینوں بستر خار ہے
جسے درد نالہ و آہ ہے جو شہید تیغ نگاہ ہے
شب ہجر اس کی گواہ ہے وہ حبیبؔ سینہ فگار ہے