हिज्र करते या कोई वस्ल गुज़ारा करते
हम बहर-हाल बसर ख़्वाब तुम्हारा करते
एक ऐसी भी घड़ी इश्क़ में आई थी कि हम
ख़ाक को हाथ लगाते तो सितारा करते
अब तो मिल जाओ हमें तुम कि तुम्हारी ख़ातिर
इतनी दूर आ गए दुनिया से किनारा करते
मेहव-ए-आराइश-ए-रुख़ है वो क़यामत सर-ए-बाम
आँख अगर आईना होती तो नज़ारा करते
एक चेहरे में तो मुमकिन नहीं इतने चेहरे
किस से करते जो कोई इश्क़ दोबारा करते
जब है ये ख़ाना-ए-दिल आप की ख़ल्वत के लिए
फिर कोई आए यहाँ कैसे गवारा करते
कौन रखता है अँधेरे में दिया आँख में ख़्वाब
तेरी जानिब ही तिरे लोग इशारा करते
ज़र्फ़-ए-आईना कहाँ और तिरा हुस्न कहाँ
हम तिरे चेहरे से आईना सँवारा करते
hijr karte yā koī vasl guzārā karte
ham bahar-hāl basar ḳhvāb tumhārā karte
ek aisī bhī ghaḌī ishq meñ aa.ī thī ki ham
ḳhaak ko haath lagāte to sitārā karte
ab to mil jaao hameñ tum ki tumhārī ḳhātir
itnī duur aa ga.e duniyā se kinārā karte
mehv-e-ārā.ish-e-ruḳh hai vo qayāmat sar-e-bām
aañkh agar ā.īna hotī to nazārā karte
ek chehre meñ to mumkin nahīñ itne chehre
kis se karte jo koī ishq dobārā karte
jab hai ye ḳhāna-e-dil aap kī ḳhalvat ke liye
phir koī aa.e yahāñ kaise gavārā karte
kaun rakhtā hai añdhere meñ diyā aañkh meñ ḳhvāb
terī jānib hī tire log ishārā karte
zarf-e-ā.īna kahāñ aur tirā husn kahāñ
ham tire chehre se ā.īna sañvārā karte
ہجر کرتے یا کوئی وصل گزارا کرتے
ہم بہرحال بسر خواب تمہارا کرتے
ایک ایسی بھی گھڑی عشق میں آئی تھی کہ ہم
خاک کو ہاتھ لگاتے تو ستارا کرتے
اب تو مل جاؤ ہمیں تم کہ تمہاری خاطر
اتنی دور آ گئے دنیا سے کنارا کرتے
محو آرائش رخ ہے وہ قیامت سر بام
آنکھ اگر آئینہ ہوتی تو نظارا کرتے
ایک چہرے میں تو ممکن نہیں اتنے چہرے
کس سے کرتے جو کوئی عشق دوبارا کرتے
جب ہے یہ خانۂ دل آپ کی خلوت کے لیے
پھر کوئی آئے یہاں کیسے گوارا کرتے
کون رکھتا ہے اندھیرے میں دیا آنکھ میں خواب
تیری جانب ہی ترے لوگ اشارا کرتے
ظرف آئینہ کہاں اور ترا حسن کہاں
ہم ترے چہرے سے آئینہ سنوارا کرتے