हवा-ए-शाम न जाने कहाँ से आती है
वहाँ गुलाब बहुत हैं जहाँ से आती है
ये किस का चेहरा दमकता है मेरी आँखों में
ये किस की याद मुझे कहकशाँ से आती है
इसी फ़लक से उतरता है ये अँधेरा भी
ये रौशनी भी इसी आसमाँ से आती है
ये किस ने ख़ाक उड़ा दी है लाला-ज़ारों में
ज़मीं पे ऐसी तबाही कहाँ से आती है
सदा-ए-गिर्या जिसे एक मैं ही सुनता हूँ
हुजूम-ए-शहर तिरे दरमियाँ से आती है
havā-e-shām na jaane kahāñ se aatī hai
vahāñ gulāb bahut haiñ jahāñ se aatī hai
ye kis kā chehra damaktā hai merī āñkhoñ meñ
ye kis kī yaad mujhe kahkashāñ se aatī hai
isī falak se utartā hai ye añdherā bhī
ye raushnī bhī isī āsmāñ se aatī hai
ye kis ne ḳhaak uḌā dī hai lāla-zāroñ meñ
zamīñ pe aisī tabāhī kahāñ se aatī hai
sadā-e-girya jise ek maiñ hī suntā huuñ
hujūm-e-shahr tire darmiyāñ se aatī hai
ہوائے شام نہ جانے کہاں سے آتی ہے
وہاں گلاب بہت ہیں جہاں سے آتی ہے
یہ کس کا چہرہ دمکتا ہے میری آنکھوں میں
یہ کس کی یاد مجھے کہکشاں سے آتی ہے
اسی فلک سے اترتا ہے یہ اندھیرا بھی
یہ روشنی بھی اسی آسماں سے آتی ہے
یہ کس نے خاک اڑا دی ہے لالہ زاروں میں
زمیں پہ ایسی تباہی کہاں سے آتی ہے
صدائے گریہ جسے ایک میں ہی سنتا ہوں
ہجوم شہر ترے درمیاں سے آتی ہے